Спорт
Конечно, поднова за Јунајтед – Тајрел Маласија е првото засилување за Ерик Тен Хаг

Манчестер јунајтед, конечно, го комплетираа првиот трансфер во ерата на новиот менаџер Ерик Тен Хаг, откако холандскиот лев бек Тајрел Маласија пристигна од Феенорд, и веднаш треба да биде ривал на Лук Шо за стартното место на „ѓаволите“.
22-годишниот Маласија беше блиску до потпис со Лион, пред Јунајтед да се договорат со Феенорд и да платат 13 милиони фунти за Холанѓанецот, давајќи му четиригодишен договор со опција за уште една сезона. Маласија го импресионираше Тен Хаг како противник на неговиот поранешен клуб Ајакс, откако произлезе од младинската академија на клубот од Ротердам уште во 2008 година. Тој има пет настапи за сениорската холанска репрезентација.
Се очекува Маласија да биде само првото засилување од петте предвидени од Тен Хаг во летниот преоден рок. Средниот ред претставува главен проблем за Тен Хаг и во клубот се оптимисти дека, конечно, ќе го решат тоа со носењето на Френки де Јонг од Барселона, а Кристијан Ериксен би требало да пристигне како слободен играч по шестмесечниот оговор со Брентфорд.
Други фудбалери кои се поврзуваат со Јунајтед се двојката на Ајакс, Антони и Лисандро Мартинез, како и десниот бек на Интер, Дензел Дамфрис, а Даниел Бахман од Вотфорд би пристигнал како замена на позицијата голман, откако Дин Хендерсон ќе замине во Нотингем.
Друг проблем за Тен Хаг е желбата на Кристијано Роналдо да замине од клубот, откако Јунајтед претходно се прости од Пол Погба, Немања Матиќ, Хуан Мата, Единсон Кавани и Џеси Лингард.
✋ Stop scrolling.
???? Watch this.@T_Malacia's first interview has landed ????????#MUFC || #WelkomTyrell— Manchester United (@ManUtd) July 5, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Партизан ја освои АБА лигата

Кошаркарите на Партизан ја победија Будуќност од Подгорица во четвртиот натпревар од финалето на АБА лигата и ја освоија шампионската титула.
Партизан против Будуќност победи со 90:75 и ја освои рекордната осма шампионска и повторно стана најтрофејниот тим во историјата на АБА лигата. На тронот црно-белите го наследија градскиот ровал Црвена звезда.
Партизан од средишницата на втората четвртина ја презеде контролата и врз играта и врз резултатот. Будуќност во ниту еден момент не успеа да му се закани на новиот шампион.
Брендон Дејвис беше најефикасен со 18 поени и 4 скока, додека Стерлинг Браун имаше 18 поени, 2 скока и 3 асистенции, а Карлик Џонс 17 поени, 4 скока и 9 асистенции. Двоцифрени со по 13 поени беа и Исак Бонга и Ифе Лундберг.
На другата страна, 23 поени постигнаа Јоги Ферел, 14 Никола Танасковиќ, а по 11 Кенан Камењаш и Рашид Сулејмон.
Спорт
Нов Хрват во Реал Мадрид? Чаби Алонсо навистина „загриза“

Реал Мадрид без хрватскиот играч стана речиси незамислив. Лука Модриќ си заминува, а Анте Будимир би можел да дојде на „Сантијаго Бернабеу“.
Според шпанските медиуми, Чаби Алонсо е сериозно заинтересиран да го доведе напаѓачот на Осасуна.
Секако, „кралскиот клуб“ сака да оди што е можно поевтино, па се разгледува опцијата за активирање на откупната клаузула од 20 милиони евра, но Реал би сакал и таа да се намали.
Планот е во договорот да се вклучи млад фудбалер од академијата на Мадрид, како што се Јакоб Рамон или Лорен Агуада.
Будимир би бил воодушевен да игра за Реал Мадрид, клуб кој го смета за најдобар во светот, а Чаби Алонсо исто така „загриза“ да го доведе.
За многумина е чудно што Реал сака 34-годишен играч, но Хрватот наводно би прифатил да биде резерва и да игра од клупата, како што направи Хоселу минатата сезона кога ја освоија Лигата на шампионите.
Оваа сезона, Будимир постигна 21 гол во Ла Лига и додаде три асистенции. Во Купот на Кралот има уште три гола.
Спорт
Никој не е заинтересиран за Светското клупско првенство, дури ни Меси не сакаат го гледаат

Низок интерес за натпреварите од Светското клупско првенство во САД.
Според светските медиуми, ФИФА е сериозно загрижена за нискиот интерес на навивачите за Светското клупско првенство. Затоа одлучи повторно да ги намали цените на билетите.
Пред два дена беше објавено дека за првиот натпревар од отворањето на натпреварувањето се продадени помалку од 25.000 билети.
Првиот натпревар ќе се игра на стадионот „Хард Рок“ во Мајами, со капацитет од 64.767 седишта. Ривали се домашниот тим Интер Мајами и египетскиот Ал Ахли од Каиро.
За потсетување, Интер е дом на големи светски ѕвезди како што се Аргентинецот Лео Меси, Уругваецот Луис Суарез, Шпанците Серхио Бускетс и Жорди Алба…
🚨 FIFA are seriously concerned about poor fan interest in the Club World Cup and have slashed ticket prices again. 🎟️
Fewer than 25,000 tickets have been sold for the opening match. 😳
(Source: @TheAthleticFC) pic.twitter.com/8HlxKycCN9
— Transfer News Live (@DeadlineDayLive) June 10, 2025
Светското клупско првенство на ФИФА ќе се одржи од 14 јуни до 13 јули. Ќе учествуваат 32 екипи од шест континенти (конфедерации). Натпреварите ќе се играат во 11 градови на 12 стадиони.
Натпреварите од Светското клупско првенство на ФИФА во 2025 година ќе се одржат во државите Њу Џерси, Шарлот, Синсинати, Лос Анџелес, Мајами, Нешвил, Орландо (два стадиони), Филаделфија, Сиетл, Вашингтон и Атланта.