Спорт
Конор се враќа со спектакуларен боксеркси меч против Мани Пакјао!
Пензионирањето на Конор Мекгрегор не траеше долго, откако Ирецот вечерва објави бомбастично враќање во боксерскиот ринг против филипинската легенда Мани Пакајо.
„Ноториус“ веќе имаше една богата посета на боксерскиот ринг, откако во август 2017 година влезе во рингот со Флојд Мејведер Јуниор во еден од најбогатите мечеви во историјата на спортот, а сега преку неговата омилена „алатка“ Твитер објави дека се враќа со голем меч.
Откако прво сподели приватни Инстаграм пораки со претседателот на УФЦ, Дејна Вајт во кои разговараат за следните мечеви во февруари 2020, потоа тој потврди меч со Пакјао, боксерот кој освојуваше титули во осум различни тежински категории на Блискиот Исток.
„Ќе биде чест да се борам со двајцата најдобри боксери на својата ера, двајцата исплашени од меч“, напиша 32-годишниот Мекгрегор.
Претходно, во петокот тој објави снимка на која тренира во боксерски ринг зголемувајќи ги шпекулациите за боксерски меч.
Anyway all water under the bridge who gives a fook.
I’m boxing Manny Pacquiao next in the Middle East.— Conor McGregor (@TheNotoriousMMA) September 25, 2020
It will be a true honour to have faced two of the greatest boxers of the modern era, afraid of a fight.
— Conor McGregor (@TheNotoriousMMA) September 25, 2020
Dana White said the UFC are working on “some fun stuff” for Conor McGregor. It looks like McGregor is returning to the boxing ring in the near future… pic.twitter.com/T8iQ3fRIEf
— MMA Eejit ?? (@MMAEejit) September 25, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.