Има голем број одлични НБА играчи кои во своите кариери не стигнале до најголемото одличје во лигата – шампионскиот прстен.

Полемики се воделе и се водат кој од овие играчи заслужил да стигне до подиумот. Еве кои се дваесетте играчи кои според одредени критериуми би требало да се рамо до рамо со ѕвезди од калибарот на Мајкл Џордан, Коби Брајант, Леброн Џејмс…

1-Карл Мелоун – Беше дел од Јута Џез и во 1997 и 1998 губеше во финале од Чикаго Булс, а во финалето во 2004. „џезерите“ загубија од Детроит Пистонс

2- Чарлс Баркли – играше само едно финале, во 1993, но секогаш беше дел од најдобрите играчи во својата генерација

3 – Џон Стоктон – Со Јута, заедно со Мелоун двапати (1997 и 1998) губеа од Булси на Џордан, Пипен

4 – Ален Ајверсон – Ѕвездените моменти ги помина во Филаделфија 76-ките.

5 – Патрик Јуинг – Големиот центар на Орландо, Сиетл и Њујорк Никс губеше во финалињата во 1994 и 1999 година

6 – Дражен Петровиќ – Еден од најдобрите од Европа кои некогаш играле во НБА. Во 1990 година загуби финале со Детроит Пистонс

7 – Реџи Милер – Еден од најдобрите шутери на сите времиња, со Индијана Пејсерс загуби во финалето во 2000 година од Лејкерси

8 – Стив Неш – Еден од најдобрите плејмејкери на својата генерација, имаше пех што Феникс Санс не беа доволно добри за да играат за титулата

9 – Винс Картер – Според многумина, најдобриот забивач на сите времиња, во НБА помина 22 сезони, 8 пати беше на ОЛ-стар, но не стигна до прстенот

10 – Џејмс Харден – Се уште е еден од најдобрите во НБА, активен е, останува да се види дали со Хјустон Рокетс ќе успее да се искачи на „највисоката скала“

Во ова одбрано друштво има место и за Шон Кемп, Пени Хардавеј, Доменик Вилкинс, Трејси Мегреди, Дикембе Мутомбо, Крис Пол, Крис Вебер, Кармело Ентони, Јао Минг и Расел Вестбрук.

Холандскиот фудбалски репрезентативец Жоржињо Вајналдум остро го критикува голманот на Евертон, Џордан Пикфорд, за невнимателниот старт против Вирџил ван Дајк по што стоперот подолг период ќе биде надвор од терените. Играчот од средниот ред на „црвените“ рече дека никој од соиграчите не спиел по Мерсисајд-дербито.

„Секако дека сме изнервирани. Тоа што Пикфорд го направи беше преглупаво. Не верувам дека сакаше да го повреди на начин на кој го повреди. Играчите на Евертон претеруваат кога играат против нас. Сите сакаат да победат во дербито, понекогаш малку и се претерува, но ова е премногу. И не е во прашање само тој старт, Ришарлисон безобразно го покоси Тијаго“, рече Вајналдум.

Холанѓанецот вели дека тоа што противниците го правеле не е во ред.

„Несреќи се случуваат, може и некој да е повреден, но тоа што тие го правеа е потполно неприфатливо. Уште потешко ни е што никој не е казнет“, објасни холандскиот фудбалер.

Тимур Дибиров, искусното лево крило на македонскиот и европски ракометен шампион – Вардар на ден пред новиот предизвик на „црвено-црните“ посакува уште еден добар меч и освојување на бодовите на дуелот против Порто во ракометната Лига на шампиони.

„Мислам дека натпреварот ќе биде многу тежок затоа што сега ние сме во една многу интересна ситуација, победивме многу силен противник како Фленсбург и сега сакаме да напредуваме малку по малку секој натпревар. Што се однесува до натпреварот до Порто, сакаме да потврдиме дека ова беше почеток на нашата идеја за она што сакаме да го постигнеме оваа сезона. Затоа многу ќе биде важна оваа победа дома, сепак знаеме дека Порто е многу квалитетен противник, независно е каде играте, дома или на гости. Многу незгодна екипа со тактика „7 на 6“ и кога им е најтешко, тогаш ја играат најдобро. Сакаме да потврдиме дека сме на добар пат, дека можеме уште подобро и дека нашата авантура оваа сезона почна од победата со Фленсбург. Сега треба да продолжи и да биде подобра и подобра. Нема лесен противник, но играме дома и мора да победиме“ рече Дибиров.

Вардарци се осоколени по победата над Фленсбург откако претхоно два дуели (ПИК Сегед и Елверум) на „црвено-црните“ беа одложени поради пандемијата на коронавирусот.

Во првото коло Вардар 1961 загуби на гостувањето кај Мешков Брест, па на мегдан со португалскиот шампион излегува со скор 1-1. Порто, пак досега има 2 победи и 2 порази во А групата во тековната сезона на Лигата на шампиони.

Натпреварот Вардар – Порто се игра утревечер со почеток во 20:45 часот во СЦ „Јане Сандански“ во Скопје.