Спорт
Конте: Беше лесно да се каже да на Интер, еден од клубовите со најславна историја
Антонио Конте вели дека и покрај тоа што многумина сметаа дека е невозможно тој да стане тренер на Интер откако беше главен човек на Јувентус, било многу лесно да се изберат „нераѕурите“ како еден од клубовите со најголема традиција во спортот.
Интер ја имаше првата прес-конференција со новиот тренер Конте и со генералниот менаџер Бепе Марота и поранешниот прв човек на Челси беше директен.
„Да се избере Интер беше многу лесно, бидејќи имавме иста визија. Ја делиме истата амбиција, истата желба да направиме нешто важно, иако сите сме свесни дека патот ќе биде тежок и долг. Се работи за клуб со голема традиција, една од најголемите на светот, така што не беше компликувано да ја прифатам понудата. Јас сум личност која не поставува граници и сакам да работам така. Не е тајна дека има огромна разлика во моментов меѓу Интер и Јувентус, додека Наполи се постојани. Мораме да ја надминеме таа разлика со голема амбиција“, вели Конте.
Откако Марота изјави дека Конте е „нашиот најдобар играч“ за оваа сезона, Конте призна дека постои притисок.
„Верувам дека нашиот тим има темели за да се направи посебен тим. Ја чувствувам одговорноста кон тие кои ме избраа, кон клубот и кон навивачите. Подготвен сум да ја понесам таа одговорност. Ова е лето, време за зборување, но наскоро ќе дојде и време за работа. Мораме да бидеме безмилосни“, вели Конте.
Тој исто откри дека не ги исклучил Раџа Наинголам и Мауро Икарди бидејќи тоа била „одлука која веќе е направена“.
„Околу Икарди и Наинголан, клубот имаше доволно време да направи проценка и да донесе одлука. Јас ги поддржав“, завршува Конте.
? | CONFERENZAIn diretta dall’Inter HQ inizia la stagione sportiva 2019/20 dei nerazzurri#NotForEveryone #FCIM https://t.co/26avLqCqi8
— Inter (@Inter) July 7, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Зверев го победи Надал – Кралот на Ролан Гарос елиминиран во првото коло
Рафаел Надал, освојувачот на 14 титули на Ролан Гарос, го заврши настапот на вториот грен слем во сезоната во првото коло. На „Филип Шатрие“, по три часа и пет минути игра Надал загуби од Александар Зверев со 3:6, 6:7, 3:6.
Зверев, четвртиот носител на турнирот, беше подобар од моментално 275. на АТП листата, Надал.
Уште по ждрепката беше јасно дека на Надал му претстои многу тешка работа. Тој доби пеколен ривал и не успеа да триумфира.
Зверев одлично го отвори мечот, го доби првиот гем со нула на сервис на Надал, а потоа го потврди брејкот – 2:0.
Во продолжение борбата беше изедначена, Надал во ниту еден момент не се доближи до брејк.
Од друга страна, Зверев се обиде неколку пати, но Надал успеваше да се извлече.
Сепак, константниот притисок на Зверев му се исплатеше, успеа да направи уште еден брејк во девттиот гем и поведе со 1:0 во сетови.
Во вториот сет Надал прв направи брејк, а птооа и го потврди за 4:2. Зверев не се предаде, во 10. гем при 4:5 успеа да го врати брејкот.
И двајцата беа сигурни во продолжението, па вториот сет беше решен со тај брејк, кој му припадна на германецот со 7:5.
Третиот сет беше можеби најинтересен. Надал беше сигурен на својот сервис, а потоа направи брејк (2:0).
Сепак, не успеа долго да ја заржи предноста, Зверев веднаш возврати во третиот гем, а потоа одлично сервираше за 2:2.
Петтиот гем траеше нешто повеќе од 15 минути. Зверев имаше четири брејк топки, но Шпанецот ги спаси сите и успеа да се извлече. Но тоа беше последниот гем во третиот сет што успеа да го освои. Зверев до крајот освои три гема, два на сервис на противникот и го заврши мечот.
„Еден специјален момент за мене да почувствувављобов од овие луѓе на местото кое најмногу сакам. Честитики до Саша за овој одличен меч, за оваа одлична победа. Ти сакам се најдобро понатаму на турнирот. Јас минав две тешки години поради повредите, успеав да се вратам овде, но за мене не заврши добро. Играв добро, но против ваков противник тоа не беше доволно. Не мпжам да тврдам дека нема да се вратам на Ролан Гарос. Се уште имам свои цели. Сакам на овој терен да се вратам на Олимписките игри“, рече Надал.
На трибините на „Филип Шатрије“ многу познати личности го следеа мечот Надал-Зверев. Меѓу другите тука беа Новак Ѓоковиќ, Карлос Алкарас и Ига Швјонтек.
Djokovic is watching too 👀#rolandgarros pic.twitter.com/vcJAaWQIf9
— Roland-Garros (@rolandgarros) May 27, 2024
— Out of Context Iga Świątek (@SwiatekOOC) May 27, 2024
Спорт
Партизан го продаде Салдања за 10 милиони евра во Фенербахче
Напаѓачот Матеус Салдања кариерата ќе ја продолжи во Фенербахче. Како што информираат од „Спорт клуб“, Партизан ќе заработи околу десет милиони евра.
Заминувањето на Салдања за српските медиуми го потврди и тренерот н Партизан Алберт Наѓ кој најави големи промени во тимот за наредната сезона.
Инаку, Бразилецот оваа сезона имаше доста проблеми со повреди. Турскиот клуб сакаше да го ангажира во зимскиот преоден рок, но тогаш Партизан одби да го продаде.
Оваа сезона Салдања постигна 18 гола на 34 натпревари.
Кога ќе се реализира трансферот на Матеуш Салдања во турски Фенербахче, тој ќе стане третата најголема продажба во историјата на клубот од Хумска.
Прв на листата на највредни трансфери на Партизан и понатаму е Матеја Кежман, кој своевремено беше продаден на ПСВ Ајндховен за 14 милиони евра.
Вториот е Стефан Савиќ, кој за 12 милиони евра му беше продаден на Манчестер сити.
Спорт
Конте ќе стане тренер со најголема плата во Серија А
Во моментот кога ќе го потпише договорот со Наполи, италијанските медиуми пишуваат дека Антонио Конте ќе стане најплатениот тренер во Серија А. Иако не е објавена точната сума на неговата плата, овие извор шпекулираат со сума меѓу осум и девет милиони евра.
„Газета дело Спорт“, пишува дека Конте ја добил понудата, додека „Кориере дело Спорт“ и „Тутоспорт“ тврдат дека треба да се решат само ситни детали пред двете страни да ја официјализираат соработката.
Наводно, единствено се уште непознато е дали Конте ќе потпише договор на три или две години, односно 3+1 или 2+1.
Најплатен тренер во Италија е Симоне Инзаги од Интер. Тренерот на актуелниот шампион Интер има годишна плата од 5,5 милиони евра.