Спорт
Конте забрани кечап во Тотенхем, австриска компанија му прати отворено писмо
Откако новиот менаџер на Тотенхем, Антонио Конте реши да го забрани кечапот како дел од исхраната на неговите фудбалери, австриската компанија „Куртис брадерс“ со оглас во весникот „Енфилд индепендент“ му прати лично писмо на Италијанецот, и во исто време испрати од нивниот кечап до англискиот клуб.
Рекламата во весникот е напишана во стил на писмо до тренерот.
„Драг Антонио, слушнавме дека забрани кечап. Ти аплаудираме на одлуката. Исхраната е важна, но и радоста е важна. Знаеш ли што друго е од Италија? Нашите домати, Антонио. Секој кечап не е еднаков, затоа не ги отпишувам сите кечапи. Ние користиме само органски состојки, и нашите домати се природно благи, без додавање на шеќер. Да, Антонио – senza zucchero. Знаеме дека треба да имаш големи италијански домати за да го смениш мислењето. 15 по шише, да бидеме прецизни. Затоа ти праќаме кутија од најприродниот кечап на светот. За тебе, за тимот, да вкусите и да уживате. Како што ти кажа, исхраната е важна. И радоста. Многу среќа во авантурите со Спарс. Марио“, се вели во писмото.
Конте претходно ја објасни својата одлука.
„Ги гледам резултатите од нутриционистот и можам да видам што е океј, а што не е. Тоа е дел од подобрувањето на фудбалерите, морате да го подготвите телото и умот. Го направив ова не само во Челси, Јувентус или Интер, туку и кога бев во Серија Б со Сиена. Се обидувам да внесам нешто во односите со играчите. Добрата исхрана и односот е важен. Сонот е важен, и јадењето е важно за брзо опоравување“, изјави Конте.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.