Напаѓачот на Олимпик Лион Муса Дембеле изјавил дека не го интересираат шпекулациите за негов трансфер во јануарскиот преоден рок. Дембеле медиумите најчесто го поврзуваат со Манчестер Јунајтед, Челси и Тотенхем.

„Нема да заминам оваа зима. Многу работи се пишуваат. Јас само треба да останам смирен и да ги игнорирам шпекулациите“, рекол Дембеле.

Претходно и првиот човек на клубот Жан-Мишел Ола рекол дека Дембеле нема да ја напушти Франција, бидејќи сакал да освојува трофеи со Лион.

Напаѓачот е во Лион од 2018 година, а претходно бил играч на Фулам и Селтик.

Челси му барале замена на најскапиот голман во светот Кепа Аризабалага. Шпанскиот репрезентативец во летото 2018 година за рекордни 80 милиони евра од Атлетик Билбао се пресели во „Стенфорд Бриџ“.

„Тајмс“ тврди дека во клубот не биле задоволни од напредокот на 25 годишниот голман, кој имаше имаше добри настапи во дебитантската сезона.

Челси во Премиер лигата во 24 натпревари примиле 32 гола, најмногу од првите пет екипи на табелата. Шпанецот по натпреварот со Арсенал (2:2) бил критикуван и од менаџерот Френк Лампард.

Истиот извор тврди дека Челси го означиле голманот кој би го заменил Кепа. Станува збор за 27 годишниот голман на Барнли, Ник Поуп. Цената на Поуп според „Трансфермаркт“ изнесува 12 милиони евра.

Обесштетувањето нема да биде проблем за „сините“ кои најпрвин ќе се обидат да го продадат Кепа, секако за помала сума од онаа што ја платија за него.

Две од водечките три екипи во Западната конференција во НБА-лигата забележаа порази во синоќешните натпревари. ЛА Клиперс доживеа пораз во Атланта, Денвер без шестмина играчи е поразен во Хјустон, а ЛА Лејкерс славеше над Њујорк.

Последнопласираниот тим на Истокот, Атланта Хокс, со 102:95 забележа победа над ЛА Клиперс, во чии редови го немаше Каваи Ленард.

Клиперс имаше 19 поени предност по првото полувреме, меѓутоа оваа разлика играчите на Атланта ја стигнаа и престигнаа во последниот квартал.

Џо Колинс ја предводеше Атланта со 22 поена и 16 скока. Кај Клиперс се истакна Мотрезл Херел со 30 поени.

ЛА Лејкерс без проблем славеше во дуелот со Њујорк Никс 100:92. Лејкерси ја забележаа 35 победа во сезоната.

Ентони Дејвис беше најдобар кај Лејкерси со 28 поени, Леброн Џејмс постигна 21 поен

Хјустон во дербито убедливо го порази Денвер Нагетс со 121:105. Расел Вестбрук забележа 28 поени и 16 скока, Џејмс Харден уфрли 27 поени, а се истакна кај Хјустон и Ерик Гордон со 25 поени.

Никола Јокиќ мечот кај Денвер го заврши со трипл-дабл од 19 поени, 12 скока и 10 асистенции. За српскиот репрезентативец ова беше 36. трипл-дабл во кариерата.

Резултати:

Голден стејт-Јута 96:129
Финикс-Индијана 87:112
Чикаго-Минесота 117:110
Мајами-Вашингтон 134:129
Бостон-Мемфис 119:95
Торонто-Филалделфија 107:95
Орландо-Оклахома 114:120
Детроит-Сакраменто 127:106