Во морето лоши вести што ги добива деновиве Зинедин Зидан, конечно за него дојде и една добра информација. Еден од клучните играчи на Реал, Касемиро, ќе биде во тимот против Интер во Лигата на шампионите.

Касемиро пропушти неколку натпревари на „кралскиот клуб“, а не играше ниту за Бразил поради позитивниот корона-тест.

Бразилецот на последното тестирање бил негативен, што значи дека ќе биде со тимот утревечер на „Џузепе Меаца“.

Натпреварот со Интер ќе го пропуштат Феде Валверде, Серхио Рамос и Карим Бензема поради повреди, односно Лука Јовиќ, кој е во изолација поради коронавирусот.

Дуелот Интер-Реал на програмата е утре од 21 часот.

Натпреварот е исклучително значаен за двата тима, кои лошо стартуваа во Лигата на шампионите. Во Б-групата води Борусија со 5 бода, по четири имаат Шахтјор и Реал, а Интер во првите три кола освои само два бода.

Евертон, Јувентус и Интер го следат фудбалерот на Лацио, Луис Алберто. Овие клубови, како што пишува „Газета дело Спорт“, во јануари ќе се обидат да го реализираат трансферот на 28-годишниот фудбалер.

Луис Алберто, неодамна, јавно го критикувал претседателот на Лацио, Клаудио Лотито. Медиумите тврдат дека поради ваквите критики тој повеќе нема иднина во клубот од „Олимпико“.

Покрај споменатите три клуб, интерес за Луис Алберто, покажале и неколку екипи од Шпанија.

Неодамна на платформата „Твич“, Алберто, го критикувал претседателот Лотито, кога дознал дека тој си купил нов авион.

„Авион? Убаво, но можеше и на фудбалерите да им ги исплати платите. Купува работи, а нас не ни дава плата“, рекол Алберто.

Вечерва, во Лигата на шампионите, ќе се одигра четвртото коло во групите Е, Ф, Г и Х. Доколку во оваа рунда Челси, Севилја во Е-групата, односно Барселона и Јувентус во Г-групата, ги оправдаат фаворитските улоги, на две кола до крајот на фазата по групи ќе обезбедат пласман во осмина-финалето.

Група Е:
Краснодар – Севилја 18.55 часот
Рен – Челси 18.55
Табела: Челси 7, Севилја 7, Краснодар 1, Рен 1

Група Ф:
Борусија Дортмунд – Клуб Бриж 21.00
Лацио – Зенит 21.00
Табела: Борусија Дортмунд 6, Лацио 5, Клуб Бриж 4, Зенит 1

Група Г:
Динамо Киев – Барселона 21.00
Јувентус – Ференцварош 21.00
Табела: Барселона 9, Јувентус 6, Динамо Киев 1, Ференцварош 1

Група Х:
Манчестер јунајтед – Башакшехир 21.00
ПСЖ – Лајпциг 21.00
Табела: Манчестер јунајтед 6, Лајпциг 6, ПСЖ 3, Башакшехир 3