Спорт
„Кралот на земја“ оствари полноќна одмазда против Ѓоковиќ!
Рафаел Надал го продолжува походот по 14. титула од Ролан Гарос, откако во епската битка со својот стар познаник Новак Ѓоковиќ по 1 часот по полноќ во Париз стигна до 6:2/4:6/6:2/7:6(4) победа и се пласираше во полуфиналето на францускиот гренд слем.
Во меч за кој ќе се зборува надолго, двајцата тенисери покажаа дека уште се најдобрите на светот без разлика на годините, покажувајќи фантастичен тенис, борбеност и подготвеност да се оди до крај.
Надал почна фуриозно, освојувајќи го првиот сет со 6:2 и стигнувајќи до 3:0 водство во вториот, очигледно „жеден“ за одмазда по минагодишниот пораз од Србинот во полуфиналето на турнирот. Меѓутоа, Ѓоковиќ успеа да направи неверојатен камбек со два брејка (од кои едниот во гем кој траеше подолго од 18 минути) за да израмни на 1:1.
Шпанецот го отвори третиот сет слично како првиот, со брејк и лесно стигна до 6:2 и до предност, по што повторно следуваше епска битка во четвртиот сет, во кој Ѓоковиќ прв направи брејк, но Надал се врати, за во тај-брејкот да дојде до 5:1 предност, која не ја испушти до крајот.
Во полуфиналето Надал ќе се бори со Александер Зверев, кој вчера попладне ја сопре серијата на младиот сонародник на Надал, Карлос Алкараз со импресивна победа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.