Спорт
Креспо им порача на Милан: Уште се сеќавам, да се одмаздите на Ливерпул

Поранешниот напаѓач на Милан, Аргентинеот Ерна Креспо верува дкеа „росонерите“ можат до титлата од Серија А и им порача на играчите на им се одмаздат на Ливерпул во Лигата на шампионите. Креспо, кој играше и во Интер и во Парма во Италија, смета дека Стефано Пиоли може да го предводи тимот до титулата.
„Подготвени се за скудетото, иако не се фаворити. Имаа умен преоден рок што не е изненадување бидејќи мојот добар пријател Паоло Малдини навистина го познава фудбалот. Јувентус и Интер се фаворити, но Милан може да се натпреварува. Немаат освоено нешто многу долго време и сакаат да направат чудо“, вели Креспо за „Ла газета дело спорт“.
Милан исто така се враќаат во ЛШ оваа сезона првпат по седум години и ќе почнат против Ливерпул на 15 септември на „Енфилд“. Креспо уште се сеќава на финалето од ЛШ во 2005, кога Милан имаше 3:0 водство во Истанбул, за да загуби на пенали.
„Тоа е уште отворена рана за мене. Ливерпул-Милан е првиот меч оваа сезона и значи многу за нас. Постигнав два гола во тоа прво полувреме и никогаш не ја заборавив таа ноќ. Иако веќе се одмаздија во финалето во 2007, сега барам од момците на Пиоли да ги победат на ‘Енфилд’, да се одмаздат и да покажат што е Милан“, вели Креспо.
Crespo: "Diavolo sei pronto. Ad Anfield fammi felice. E credi allo scudetto" https://t.co/7U3dF8694r
— La Gazzetta dello Sport (@Gazzetta_it) September 3, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Капитенот го напушта Тотенхем

Сон Хјонг-мин, капитенот и еден од најдобрите играчи на Тотенхем, е на излезната врата од лондонскиот клуб.
Според англиските медиуми, репрезентативецот на Јужна Кореја има понуда од Лос Анџелес, како и неколку покани од Саудиска Арабија.
Сон има договор со победникот на Лига Европа и за оваа сезона, а неговата вредност се проценува на 20 милиони евра.
Тој дојде во Тотенхем во 2015 година од Баер Леверкузен и е една од легендите на тимот од Северен Лондон. Одигра 333 натпревари во дресот на Тотенхем и постигна 127 голови.
Фото/ Принскрин
Спорт
(Видео) Браќата Морис ги предизвикаа браќата Јокиќ на бокс-меч

Браќата Маркис и Маркиф и предизвикаа браќата Јокиќ на пресметка во ринг.
Ссемејствата Јокиќ и Морис не се трпат од пред четири години, кога Никола се судри со Маркиф во натпревар против Мајами Хит.
Потоа, по натпреварот, Маркус застана во одбрана на својот брат и му се закани на Србинот на социјалните мрежи, за браќата на Никола, Страхиња и Немања, да креираат профил за да му одговорат на Морис.
„Маркус, требаше да дозволиш да биде како што е, наместо јавно да му се закануваш на нашиот брат. Твојот брат беше првиот што почна да игра валкано. Ако сакаш да направиш чекор понатаму, биди сигурен дека ќе те чекаме. Браќата Јокиќ“.
Оттогаш, тензиите продолжуваат секогаш кога Нагетс ќе се сретнат со тимовите за кои играат браќата Морис, кои сега тие смислија нова идеја.
Гостувајќи во еден подкаст, Маркиф и Маркус ги предизвикаа браќата Јокиќ да влезат во ринг и таму да се соочат.
„Колку се поголеми, толку посилно паѓаат. Но, ние сме големи. Па, јас сум поголем од нив“, рече Маркиф, а Маркус се согласи, и заедно рекоа дека ги предизвикуваат Страхиња и Немања на бокс меч.
The Morris twins say they’re willing to do a boxing match against the Jokic brothers 😳
“The bigger they are, the harder they fall. We big too.” 👀
(🎥 @bigpodwithshaq / https://t.co/xlVhD8nvp2) pic.twitter.com/KsYv5CBzJ4
— NBACentral (@TheDunkCentral) July 24, 2025
Браќата на Никола Јокиќ, Страхиња (43) и Немања (40) се високи околу два метра, Маркиф е висок 206, а Маркус 203 сантиметри.
Моментално, двајцата се без НБА клуб по 14 години, па сега би сакале малку да боксуваат со браќата Јокиќ.
Фото/ Принскрин
Спорт
Расел: Мерцедес преговараше со Ферстапен

Возачот на Мерцедес, Џорџ Расел, отворено зборуваше за преговорите на германскиот тим со четирикратниот светски шампион Макс Ферстапен.
Шефот на тимот на Мерцедес, Тото Волф, по отпуштањето на Кристијан Хорнер од Ред Бул, ја отфрли можноста Ферстапен да се пресели во „Сребрените стрели“.
На прашањето дали откривањето на разговорите е дел од играта на Мерцедес, Расел одговори: „Тоа е сериозна теорија на заговор!“
„Имаше преговори. И тоа е во ред. Сите зборуваат. Постојат и долгорочни перспективи. За возачите и тимовите, тие не размислуваат само за следната година, туку за две, три, четири, пет години однапред. Сè се менува брзо. Знам дека сè додека возам добро, немам за што да се грижам. Но тоа не значи дека останувам, не останувам или дека се случува нешто конкретно. За мене, последните неколку месеци беа интересни во однос на тоа како го обработив сè она што се случуваше“, рече Британецот и дополни.
„Сега решив едноставно да не се грижам за тоа. Знам дека сè додека возам брзо на патеката, тоа е најважното нешто. Што и да се случи, ќе се случи“, рече Расел.
Расел ќе има можност повторно да се докаже на патеката Спа Франкошамп, каде што ќе се одржи нова трка во календарот на Формула 1.
Foto/ EPA