Спорт
Куман: Благодарение на мојата работа Барса има светла иднина
Тренерот на Барселона, Роналд Куман, верува дека сезоната, неговиот тим може да ја освои титулата во Ла Лига. Барселона, минатата сезона ја заврши на третото место, а само поради лошата финансиска ситуација, остана на клупата. Барселона немаше пари да ангажира друг тренер.
Куман, во интервју за холандскиот портал „NOS“, рекол дека благодарение на неговата работа клубот има светла иднина.
„Не е само Педри, Барселона има четири или пет играчи на возраст од 18 и 19 години, кои за три или четири сезони ќе бидат брилијантни фудбалери. Поради мене Браселона има светла иднина“, рекол Куман, а потоа рекол дека не е задоволен од медиумските настапи на претседателот Џоан Лапорта. Впечатокот е дека Лапорта не е импресиониран од Куман.
„Јас секогаш сум отворен за разговор. Добро се чувствувам во клубот“.
Куман, во интервјуто, потенцирал дека на Барселона ќе и требаат две години финансиски да закрепне, а потоа повторно ќе може финансиски да се натпреварува со клубови какви што се Манчестер сити или Челси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дурант стана најплатениот кошаркар на сите времиња

Кевин Дурант и Хјустон Рокетс постигнаа договор за двегодишно продолжување на договорот во вредност од 90 милиони долари, објавува инсајдерот од НБА, Шамс Чаранија.
Дурант имал право на максимално продолжување од 120 милиони долари, но, според ESPN, тој свесно прифатил помал износ – околу 30 милиони долари помалку – со цел тимот да ја одржи финансиската флексибилност и можноста дополнително да го зајакне составот во наредните сезони.
Овој потег покажува дека Дурант размислува долгорочно и сака Хјустон да стане сериозен шампионски проект. Дурантула летово пристигна во Хјустон од Финикс Санс.
Новиот договор вклучува и опција играчот да остане и во сезоната 2027/28.
Интересно е што со овој договор, Дурант станува играчот со најголема заработка во кариерата во историјата на НБА. Вокпно досега инкасирал 598,2 милиони долари, вклучувајќи ги сегашните и идните договори. Со тоа, тој го престигна претходниот рекордер, Леброн Џејмс, кој има 583,9 милиони долари.
Дурант моментално има уште три години од неговиот договор од 144,7 милиони долари, а новиот договор веројатно му овозможува да ја заврши кариерата во Хјустон, клубот каде што најде мотивација и можност да изгради наследство на свој начин.
Дурант беше избран од Сиетл Суперсоникс како втор пик на драфтот во 2007 година, но таа франшиза беше продадена по неговата прва сезона во државата Вашингтон, се пресели во Оклахома и франшизата го смени името во Тандер. Тој играше за Оклахома до 2016 година, кога одлучи да се приклучи на Голден Стејт Вориорс како слободен агент.
По две титули во три сезони и тешката повреда на Ахиловата тетива, тој одлучи да оди во Бруклин Нетс, каде што играше четири години. Тој го напушти Њујорк во 2023 година и потпиша со Финикс Санс, а на крајот беше трејдуван во Хјустон на крајот од минатата сезона.
Тој има 37 години, што значи дека ќе игра барем до 40 години.
Спорт
(Видео) Јувентус нокаутиран во Комо

Фудбалерите на Јувентус продолжија со неубедливите партии под водство на Игор Тудор. По серијата нерешени резултати, претрпеа тежок пораз на гостувањето кај Комо со 2:0 (1:0). Јувентус го претрпе првиот пораз во лигата против Комо од 1951 година.
Хрватскиот стручњак повторно остана тврдоглаво доследен на одлуката да го форсира Џонатан Дејвид во почетниот состав, наместо Душан Влаховиќ.
Канаѓанецот и овој пат го одигра целиот натпревар, додека Влаховиќ влезе во игра во 78-та минута. И повторно, тој беше поопасен за голот на Комо отколку неговиот соиграч од нападот.
Но, покрај тие двајца, целиот тим на „старата дама“, кој го предводи Тудор, одигра катастрофално, на границата на скандалозно. Без никаква идеја, енергија и речиси никаква волја да се промени нешто против тим кој сигурно не е наивен, но не треба да биде толку доминантен како што беше случај денеска.
Домашниот тим целосно ги контролираше настаните, играта, па дури и резултатот, кој беше на нивна страна од почеток до крај.
Поточно, од 4-та минута, кога Марк Оливер Кампф постигна гол за 1:0, избраниците на Сеск Фабрегас го заклучија својот гол и целосно го надиграа фаворизираниот ривал.
Во второто полувреме, Јувентус „дури и не се појави“ на теренот, а само минута откако Влаховиќ влезе на теренот, играчите на Комо изведоа беспрекорен контра напад, а прекрасен гол постигна Нико Паз за конечни 2:0.
Двата тима сега имаат ист број бодови, по 12 и се наоѓаат на делба на петтата позиција на табелата.
Foto/ EPA
Спорт
(Видео) Има ли физиката објаснување за овој гол на Воробјов

Големото дерби во Русија, дуелот меѓу градските ривали Локомотив и ЦСКА заврши со победа на „железничарите“ (3:0).
Доминацијата на домашниот тим на овој натпревар беше очигледна, но сите зборуваат за она што го направи напаѓач Дмитриј Воробјов.
Во втората половина од првото полувреме, тој изведе нешто што досега во историјата на фудбалот, веројатно му успеа само на Роберто Карлос.
Тој успеа да ја испрати топката директно во голот на ЦСКА, од корнер знаменцето. Воробјов од десната срана шутираше со десна нога.
Вон сите закони на физиката, Воробјов постигна гол кој сигурно ќе конкурира за наградата „Пушкаш“.
An astonishing winner from Lokomotiv against CSKA today in today's Russian Premier League game. Have you ever seen anything like this before? pic.twitter.com/UbRi13NJdx
— Brian McDonald (@27khv) October 18, 2025