Спорт
Еуроникел Индустри – спонзор на ФК Тиквеш и РК Тиквеш

Еуроникел Индустри е новиот спонзор на градскиот фудбалски клуб Тиквеш и градскиот ракометен клуб Тиквеш. Договорите се во вредност од 30.000 и 15.000 евра и ја опфаќаат сезоната 2021/22 година.
Со овие два договори, кавадаречката компанија е активен спонзор на три локални клуба во три различни спорта, заедно со кошаркарскиот клуб Еуроникел којшто е во целост под покровителство на компанијата.
„Потпишувањето на овие договори е продолжување и проширување на нашата општествена одговорност каде поддршка и промовирање на спортот е еден од главните сегменти и област каде континуирано вложуваме. Веруваме дека подигнување на спортската култура е исклучително важно за младите, а тоа најдобро се постигнува преку создавање силни и успешни локални клубови. Затоа целта на нашата поддршка е да помогнеме ракометниот клуб Тиквеш и фудбалскиот клуб Тиквеш да станат градските спортски херои, пример и мотив за младите, исто како што верувам тоа се сега кошаркарите на Еуроникел кои се минатогодишни вицешампиони, а и продолжуваме и понатаму да целиме кон шампионската титула”, изјави Андреас Цагарис директор на Еуроникел Индустри.
За клубовите овие договори имаат голема вредност затоа што обезбедуваат и гарантираат квалитетен старт и учество во претстојната сезона.
„Фудбалскиот клуб Тиквеш има голема вредност за градот и со своите успешни настапи ја испишува фудбалската историја на градот. Со оваа соработка и потпишаниот договор, добиваме партнер кој ги поддржува вистинските вредности и ја делиме истата цел, да бидеме подобри и поуспешни во своето поле. Исклучително сме среќни што компанија како Еуроникел Индустри застанува зад нас и тоа ќе ни даде дополнителен поттик за понатамошни успеси и уште подобри резултати”, истакна претседателот на ФК Тиквеш Миле Масларков.
„Договорот за спонзорство за нас значи повеќе од само поддршка и помош за зголемување на капацитетите и подобрување на перформансите на клубот, во претстојната сезона. Значи дека стопански субјект како Еуроникел Индустри верува во спортот и во квалитетот на клубот и затоа ја дава својата поддршка. Веруваме дека и другите ќе го следат овој пример”, изјави Зоран Јосифов од РК Тиквеш.
Градоначалникот Митко Јанчев, кој обезбедува силна општинска поддршка на клубовите, исто така ја истакна својата благодарност кон Еуроникел, и порача дека што повеќе компании треба да го следат овој пример, на тој начин придонесувајќи кон збогатување на спортскиот живот во Кавадарци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер испадна од клускиот Мундијал

Фудбалерите на Флуминенсе направија изненадување победувајќи го фаворизираниот Интер со 2:0 и се пласираа во четвртфиналето на Светското клупско првенство.
Интер доживеа шок во четвртата минута кога Херман Кано со глава шутираше ниско во средината на голо и го совлада Јан Зомер.
Победата бразилскиот тим ја потврди во судиското надополнување, во 93.минута, стрелец беше Херкулес.
Спорт
Турците се задоволни од Монтела

Италијанскиот стручњак Винченцо Монтела ќе остане тренер на турските фудбалери до јули 2028 година, објави Фудбалската асоцијација на Турција (ФСТ).
Според ФСТ, Монтела (51) потпишал нов договор и се обврзал на нелојалност до крајот на Европското првенство во 2028 година.
Монтела седеше на клупата на Турција во 2023 година, а на претходното Европско првенство ја водеше екипата до четвртфиналето.
Турција го очекува почетокот на квалификациите за Светското првенство 2026 во септември.
Екипата на Монтела е во групата Е, во која се и Шпанија, Грузија и Бугарија. Победникот од групата ќе обезбеди директно место на Светското првенство, додека второпласираната селекција ќе оди во плејофот.
Спорт
Еванс ја заврши кариерата, доби интересна работа во Јунајтед

Џони Еванс ја заврши својата 20-годишна играчка кариера и се пресели од теренот во канцеларијата.
Долгогодишниот дефанзивец на Манчестер Јунајтед, но и на бројни други клубови (Лестер, Сандерленд, ВБА) ќе ги извршува своите должности во клубот од Олд Трафорд, а неговиот опис на работното место ќе вклучува работа со млади играчи.
Тој ќе соработува со директорот на клубот Џејсон Вилкокс и директорот на академијата за подобрување и развој на младите играчи. Неговиот фокус ќе биде испраќање играчи на позајмица.
Во два периода во Манчестер, Еванс одигра вкупно 241 натпревар за „Црвените ѓаволи“.
Учествуваше во освојувањето на Лигата на шампионите и три титули во Премиер лигата, сите под водство на Сер Алекс Фергусон.
За репрезентацијата на Северна Ирска одигра вкупно 107 натпревари.