Спорт
Куман ја подготвил трансфер-листата
Роналд Куман ја подготвил листата за отстрел под услов да остане тренер на Барселона. Во наредниот период ќе биде позната судбината на Холанѓанецот, кој сезонава успеа да го освои Купот на Шпанија, но ја загуби трката за титулата.
Куман, по завршувањето на последниот меч во сезоната, се пожали на играчите. Според него, повеќето од нив не биле на нивото што е потребно да се носи дресот на славниот клуб.
„Кога дојдов во клубот, не можев да го составм тимот онака како што сакав јас. На моја иницијатива дојде само Сержињо Дест и тоа во финишот на преодниот рок. Овој тим не е на нивото на Барселона. Тоа не е тајна, ова мислење го делат многу луѓе во клубот“, рекол Куман.
Поради резултатите и оваа алиби-изјава, медиумите тврдат дека претседателот Џоан Лапорта ќе му врачи отказ на Куман.
Доколку, пак, остане, Куман ќе протера девет фудбалери, а можно е таа бројка да биде и поголема.
Миралем Пјаниќ, Фелипе Кутињо, Матеус Фернандес, Жуниор Фирпо, Нето, Мартин Брејтват, Самуел Умтити, се играчите што ќе бидат ставени на трансфер-листата, а Франциско Тринкао и Рики Пуиг ќе бидат испратени на заеми.
Според медиумите, на прдажба се и Серхи Роберто, Усман Дембеле и Клеман Ленгле, но само доколку за нив пристигнат добри понуди.
Барселона за новата сезона ги договори Серхио Агуеро и Ерик Гарсија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.