Белгиецот Вут ван Ерт триумфира на 4. етапа на Тур де Франс од Данкирк до Кале во должина од 171,5 километар, со фантастичен напад на 10 километри пред крајот за да го зголеми водството во генерален пласман.

По трите последователни втори места во првите три етапи, Белгиецот, конечно, стигна до својата седма етапна победа на Тур де Франс, со осум секунди предност пред Данецот Јаспер Филипсен и Французинот Кристоф Лапорт.

„Овој пат не сакав да ризикувам да загубам во спринт. Беше очигледно дека сите се подготвуваат за спринт и затоа со мојот тим одевме на поинаква стратегија“, вели Ван Ерт.

27-годишниот Белгиец сега има 25 секунди предност пред сонародникот Ив Ламперт, а актуелниот шампион и прв фаворит за титулата, Словенецот Тадеј Погачар, е трет со 32 секуни заостанување. Петтата етапа ќе ги однесе велосипедистите од Лил до Аино, со 20 километри калдрма во делот на патеката, каде што се вози класичната трка Париз – Рубе.

???? The Yellow Jersey gives you wings ????

The slow-motion look at @WoutvanAert‘s win!

???? Le @MaillotjauneLCL donne des ailes ! ????

Admirez l’arrivée de @WoutvanAert au ralenti !#TDF2022 pic.twitter.com/GcpOc6TWNp

— Tour de France™ (@LeTour) July 5, 2022

Походот на Новак Ѓоковиќ кон нова титула од Вимблдон продолжува, откако Србинот успеа да се врати од два сета негатива и навидум сигурен пораз за 5:7/2:6/6:3/6:2/6:2 победа над италијанската тениска надеж Јаник Синер, за кој сонот за прво гренд слем полуфинале ќе мора да почека.

Откако го загуби тесниот прв сет, Ѓоковиќ како да беше во „нокдаун“ во вториот, кој Италијанецот го освои за само 35 минути игра и изгледаше дека Синер ќе успее да ја забележи лесно својата најголема победа во кариерата. Но, Ѓоковиќ направи брејк за 3:1 водство за да го освои третиот сет, по што целосно ја презеде контролата во третиот сет и го освои со 6:2. Во последниот сет, Србинот осигура еден брејк на стартот, за да се пласира во своето 11. полуфинале на Вимблдон.

Таму ќе го чека подобриот од дуелот помеѓу британската надеж Камерон Нори и Белгиецот Давид Гофан.

this Novak Djokovic shot ????

pic.twitter.com/FllzIHxfge

— Billy Heyen (@BillyHeyen) July 5, 2022

Австралискиот тенисер Ник Кирјос е обвинет за физички напад на поранешната девојка Кјара Пасари минатата година пред неговиот меч од четврт-финалето на Вимблдон против Чилеанецот Кристијан Гарин во средата.

27-годишниот Кирјос е обвинет дека ја нападнал манекенката Пасари и ќе мора да се појави пред австралискиот суд следниот месец, со обвинение што може да му донесе максимална затворска казна од 2 години.

„Обвинението е сериозно и господинот Кирјос ја сфаќа ситуацијата сериозно. Во овој момент тој нема да коментира“, изјави неговиот адвокат Џејсон Мофет.