Спорт
Лампард и Варди – најдобри во октомври во Премиерлига

Тренерот на Челси, Френк Лампард е избран за најдобар менаџер, а Џејми Варди од Лестер за играч на месец октомври во Премиерлигата.
Младиот фудбалски стручњак беше импресивен минатиот месец. Челси под негово водство ги доби сите три меча во ПЛ со гол разлика 9-3.
Лондонскиот клуб прво го победи Саутемптон нагости до 4-1, потоа на свој терен славеше над Њукасл со 1-0, па
следуваше гостински триумф кај Барнли со 4-2.
Лампард зад себе ги остави Јирген Клоп (Ливерпул), Грем Потер (Брајтон), Брендан Роџерс (Лестер) и Дин Смит (Астон Вила).
Голгетерот на Лестер Сити, Варди имаше импресивни настапи во октомври. Постигна 4 гола, а имаше и една асистенција. Посебно беше впечатлив хет-трикот против Саутемптон во победата на „лисиците“ од 9-0.
Варди е првиот играч кој постигнал 10 гола во ПЛ оваа сезона.
The Barclays @PremierLeague Manager of the Month for October!
Congratulations, Frank! ?? pic.twitter.com/fu1IBFAoTq
— Chelsea FC (@ChelseaFC) November 8, 2019
3⃣ games, 4⃣ goals, 1⃣ hat-trick@vardy7 is your October #PL POTM ? pic.twitter.com/PCKcGV5QrJ
— EA SPORTS FIFA (@EASPORTSFIFA) November 8, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Батлер официјално ја засили Црвена звезда

Кошаркарскиот клуб Црвена звездапотврди дека надворешната линија ја засили со американскиот комбо-бек Џаред Батлер.
Батлер, поранешен играч на Филаделфија и поранешен шампион на НЦАА со Универзитетот Бејлор, потпиша договор со белградскиот клуб ова утро.
Неговото доаѓање треба да ги пополни празнините на позициите плејмејкер и бек-шутер кои во моментов се празни поради повреди на неколку важни играчи (Девонте Греам, Ајзеа Кенан, Тајсон Картер).
25-годишниот Американец, висок 191 сантиметар, беше избран од Њу Орлеанс Пеликанс на НБА драфтот во 2021 година, по извонредната колеџ кариера во која го предводеше Бејлор до историска титула во шампионатот на САД.
За време на неговата НБА кариера, Батлер играше за Јута Џез, Оклахома Сити Тандер, Вашингтон Визардс и Филаделфија.
Настапи на 148 натпревари со просек од 6,7 поени, 1,5 скока и 2,8 асистенции по натпревар, а се очекува да донесе дополнителна енергија, прецизност во шутирањето и искуство од најсилната лига во светот во Звезда.
Звездаши, добро јутро!
Током претходне ноћи Џеред Батлер је потписао уговор са црвено-белима и после тестова и медицинских провера ставиће се на располагање тренеру Саши
Обрадовићу!Добро дошао у црвено-белу породицу! 🔴⚪️
Good morning, Crvena zvezda supporters!
Last night,… pic.twitter.com/iijesElL0o
— KK Crvena zvezda Meridianbet (@kkcrvenazvezda) October 23, 2025
Спорт
Ова не Јувентус не му се случило 16 години

Хрватскиот тренер Игор Тудор беше поразен со Јувентус на гостувањето кај Реал Мадрид со резултат од 1:0 во третото коло од Лигата на шампионите. Единствениот гол на натпреварот го постигна Џуд Белингам во 57-та минута.
Поразот во Мадрид, ја продолжи црната серија на италијанскиот тим. Јувентус е седум натпревари без победа во сите натпреварувања.
Сè започна со нерешен резултат 4:4 против Борусија Дортмунд во Лигата на шампионите, а продолжи со нерешените резултати против Верона (1:1), Аталанта (1:1), Виљареал (2:2), Милан (0:0) и кулминираше со порази против Комо (2:0) и синоќа против Реал (1:0).
Седум последователни натпревари без победа е низа каква што клубот немал цели 16 години, кога Клаудио Раниери беше на клупата на „Старата дама“.
Легендарниот Италијанец одигра осум натпревари без победа помеѓу април и мај 2009 година, со шест нерешени резултати и два порази.
La #Juventus non vince per la SETTIMA gara di fila: non capitava da più di SEDICI anni (aprile-maggio 2009) , in panchina al tempo sedeva Claudio #Ranieri.
Igor #Tudor riscrive la storia bianconera. pic.twitter.com/4rvY7lAFoQ
— Guido Olivares🇮🇹 (@Guidolino8) October 22, 2025
Спорт
Мекси блескаше во Бостон, Вембањама во Далас

Во ноќта помеѓу среда и четврток, во НБА беа одиграни 12 натпревари, а вечерта ја одбележа ѕвездата на Филаделфија, Тајрис Макси, во победата на Бостон над Селтикс од 117:116.
Експлозивен почеток на Истокот во дербито на Атлантската дивизија. Бостон Селтикс ја пречека Филаделфија, која се покажа како тврд орев за кршење и, и покрај прогнозите победи од Ти Ди Гарден.
Имаше многу промени во резултатот, а Селтикс благодарение на одличната трета четвртина, која ја добија со 35:18, пред последните 12 минути имаа +11 – 86:75. Гостите одиграа брилијантна четврта четвртина, добивајќи со 42:30 и на крајот извојувајќи голема победа.
Валдес Еџкомб, можеше да биде трагичар и покрај тоа што одигра одличен натпревар, постигнувајќи 34 поени и земајќи седум скока. Имаше две слободни фрлања на девет секунди до крајот при резултат 117:116. Тој ги промаши двете и му даде можност на Причард да има шанса за победа. За среќа на гостите, тој промаши и на крајот Фила се радуваше на голем триумф.
Херој на победата на Филаделфија беше Тајрис Макси со 40 поени и шест асистенции. Од другата страна, Браун и Вајт запишаа по 25 поени.
Ентони Едвардс блескаше во победата на Минесота на гости против Портланд од 118:114. Атомската мравка броеше до 41. По него следеа Рендл со 19 и МекДениелс со 18 поени. Од другата страна, Грант запиша 29 поени, а Дени Авдија 20 поени со седум скока.
Купер Флаг, првиот избор на драфтот, исто така го имаше своето деби. Неговиот Далас беше поразен дома од Сан Антонио со 125:92 во тексашкото дерби. Флаг ќе го памети своето деби по неговиот дабл-дабл учинок од 10 поени и исто толку скока. Сепак, сето тоа беше во сенка на одличниот Виктор Вембањама кој забележа 40 поени, 15 скока и три блокади.
НБА, резултати:
Шарлот Хорнетс – Бруклин Нетс 136:117
Њујорк Никс – Кливленд Кавалирс 119:111
Орландо Меџик – Мајами Хит 125:121
Атланта Хокс – Торонто Репторс 118:138
Чикаго Булс – Детроит Пистонс 115:111
Мемфис Гризлис – Њу Орлеанс Пеликанс 128:122
Милвоски Бакс – Вашингтон Визардс 133:120
Јута Џез – ЛА Клиперс Клиперс 129:108
Феникс Санс – Сакраменто Кингс 120:116