Спорт
Лапорта: Реал Мадрид 70 години има помош од судиите
Џоан Лапорта во интервју за каталонското радио РАЦ 1, вели дека добро ја обавува функцијата и дека други се виновни за неубедливите резултати на Барселона оваа сезона. Потенцира дека нема намера да поднесе оставка.
Лапорта во речиси едночасовниот разговор со водителот допре различни теми меѓу кои и најголемиот ривал и нивната спрега со судиите.
„Никогаш не сме практикувале пропаганда како Реал Мадрид ТВ. Затоа треба да се вклучи Судиската комисија на Фудбалскиот сојуз на Шпанија. Погледнете што се случи на натпреварот помеѓу Реал и Алмерија. Срамота! И тогаш од Реал велат дека судиите и помагаат на Барса. Многу сме лути“.
Истото можат да го кажат и од таборот на Реал, поради „случајот Негреира“, случај кој се уште го тресе шпанскиот фудбал.
„Тој случај е лепак за медиумите. Купувањето судии не е докажано. Јас верувам во правдата. Јас сум правник по професија и Барса сигурно ќе биде ослободена, бидејќи реалноста е дека никогаш не сме купиле судии и поради оваа оркестрирана кампања ќе добиеме финансиска отштета кога ќе се докаже дека сме невини. Низ приказната Реал не се однесува добро, користи вежба за цинизам која за нас не е прифатлива. Не можат тие да зборуваат за моќта која владеела врз судиите. Погледнете за кого беа судиите, 70 години партнери без подоцнежните директори на Реал“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новицки откри зошто го носеше дресот со број 41
Еден од најдобрите европски кошаркари на сите времиња, Дирк Новицки откри зошто во кариерата го носел бројот 41 на својот дрес.
Легендарноот Германец бројот 41 го носеше во Далас Маверикс, додека во националниот тим за него беше резервиран бројот 14.
„Почнав да играм кошарка со број 11 бидејќи татко ми го носеше бројот 11 кога играше ракомет. Потоа Чарлс Баркли го носеше бројот 14 на Олимписките игри во Барселона, а јас го сакав Чарлс. Искрено, кој не го сакаше Чарлс во тоа време? Почнав да го носам бројот 14. В репрезентацијата играв со тој број“, изјави Новицки, а потоа додаде:
„Кога дојдов во Далас, го сакав бројот 14, но тој број го носеше Роберт Пек. Тој ми рече: „По ѓаволите, не, нема да го добиеш мојот број“.На крајот само направив рокада на бројките и 14 стана 41“.
Спорт
ПСВ шампион на Холандија по шест години
Фудбалерите на ПСВ Ајндховен ја освоија титулата во холандскиот шампионат, откако на домашен терен ја совладаа Спарта од Ротердам со резултат 4:2 во 32. коло од Ередивизија.
Головите за клубот од Ајндховен ги постигнаа Саид Бакари (автогол) во 19. минута, Јоан Бакајоко во 26. минута, Оливие Боскаљи во 67. минута и Џордан Тесе во 78. минута.
Метињо погодија за Спарта во осмата минута и Боскаља (автогол) во 29 минута.
ПСВ е прв на табелата во холандскиот шампионат со 87 бодови. Второпласираниот Феенорд има 75 бодови и меч помалку.
Спарта е на деветтата позиција со 43 бодови.
До крајот на холандскиот шампионат ќе се одиграат уште две кола.
Клубот од Ајндховен стигна до 25. титула во клупската историја, а прва по 2018 година.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.