Спорт
Лапорта ветил дека ќе го донесе Халанд во Барселона ова лето
Претседателот на Барселона, Жоан Лапорта смета дека неговиот клуб е фаворит да го добие потписот на норвешкиот ас на Борусија Дортмунд, Ерлинг Халанд ова лето, еден ден откако објави дека ривалите треба да се „плашат“ бидејќи „Барса се врати“.
Лапорта и покрај економската криза во која се наоѓа каталонскиот клуб, веќе им соопштил на своите соработници дека Халанд пристигнува на лето на „Ноу Камп“, јавува шпанска „Марка“.
Првата пречка за овој договор е како да се убеди 21-годишниот Норвежанец дека постои проект за шампионска Барса со сите ограничувања на буџетот на клубот, иако неговиот агент Мино Рајола неодамна ја посочи токму Барселона како еден од клубовите каде што би можел да заврши Халанд. Во Барселона, Халанд би добил гаранција дека ќе биде лидер на проектот, без други поголеми ѕвезди од него, но со многу млади играчи со голем талент (Ансу Фати, Педри, Феран Торес).
Поголем проблем, секако, би бил економскиот за Барселона, клуб кој има долгови од над 1.3 милијарди евра и кој пред неколку месеци не успеа да обезбеди продолжување на договорот на Лионел Меси и мораше да го прати Антоан Гризман на позајмица, а исто така има проблеми со сегашното регистрирање на Торес по трансферот од Манчестер сити.
И Реал Мадрид се големи конкуренти за Халанд, иако поголем фокус е свртен кон потенцијалното доаѓање на Килијан Мбапе на „Сантијаго Бернабеу“. Финансиски, тука се и други опции, како богатите Манчестер сити, Манчестер јунајтед и Пари Сен-Жермен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.