Кошаркарите на Црвена звезда го совладаа Партизан со 73:76 вo драматичен дуел во „Арена“ во 12. коло од Евролигата. Првото вечно српско дерби во историјата на Евролигата го добија „црвено-белите“ со тројката на Немања Недовиќ на две секунди пред крајот. Претходно, Кевин Пантер не реализира два удари за три поени за Партизанм кој на две и пол минути до крајот имаше водство од 71:65.

Но, Вилдоза постигна две тројки, а потоа и Недовиќ им пресуди на избраниците на Жељко Обрадовиќ.

Фенербахче ја декласира Алба во Берлин со 75:104, а Панатинаикос по продолжение ја доби битката со Олимпија Милано со 90:77. Макаби Тел Авив беше убедлив на домашен терен против Валенсија и славеше со 84:68.

Претседателот на Пари Сен Жермен, Насер Ал-Kелаифи, ја коментираше ситуацијата околу Лионел Меси, кој се уште не го продолжил договорот со клубот, а актуелниот договор му истекува на лето.

„Меси е многу среќен, тоа можете да го видите во неговиот настап во репрезентацијата. Ако некој фудбалер е несреќен, тоа ќе влијае на неговата игра“, изјави Ал-Kелаифи.

ПСЖ сака да го задржи најмалку уште една сезона.

„Лео беше фантастичен оваа сезона, постигнувајќи голови и асистенции и за ПСЖ и за Аргентина. По Светското првенство ќе седнеме и ќе разговараме. Двете страни се среќни во нашата соработка“, изјави Ал-Келаифи.

Аргентинскиот селектор Лионел Скалони збесна на прес-конференцијата пред утрешниот четвртфинален дуел против Холандија на СП во Катар, откако новинари од аргентинскиот весник „Оле“ открија дека неговиот тим ќе мора да игра без Родриго де Пол. Фудбалерот за врска се пожалил на болка во мускулот и предвреме заминал во соблекувалната, а информацијата веднаш дошла до медиумите.

„Не знам од каде сте дознале за повреда на Де Пол? Трениравме зад затворени, врати. Ако ми кажете кој ви кажал, јас ќе ви одговорам колку е сериозно. Морам да ве прашам, вие сте за Аргентина или за Холандија“, истакна Скалони.

Тој дополни дека очекува победа над Холандија во регуларниот тек од натпреварот и не размислува за изведување пенали.