Иако претходно се шпекулираше дека ѕвездата на Вулверхемптон, Адама Траоре се мачка со масло за бебиња за да се опоравува побргу од повредите, од клубот потврдија дека мачкањето пред дуелот од Лига Европа со Олимпијакос било за тој да може да избега на дефанзивците.

24-годишниот поранешен фудбалер на младинската школа на Барселона, блесна оваа сезона и за него има интерес од клубови како Манчестер јунајтед и Јувентус. Физиотерапевтот на Вулфс за „Сан“ открива дека главната причина за овој необичен третман е да се спречи дефанзивците да го „грабаат“ за раце, посебно бидејќи тој има повреда на рамото, кое го дислоцираше во декември и кое четири пати му излегувало од зглобот.

„Тоа е нешто што го правиме за да го заштитиме Адама. Дефанзивците се плашат од дуели со него поради неговата брзина и тие му ја влечат раката. Ова предизвикува проблеми за рамото и вака потешко можат да го фатат“, вели физиотерапевтот за „Сан“.

Вулверхемптон победија со 1:0, со што се пласираа во четврт-финалето на Лига Европа, каде што ги чека Севилја, која ја елиминираше Рома.

Нико Хилкенберг ќе биде возач на Рејсинг поинт на одбележувањето на 70-годишнината на Формула 1 во Силверстоун во недела, откако Мексиканецот Серхио Перез повторно имал позитивен тест на корона вирусот, потврди тимот.

32-годишниот Германец беше повикан како замена за Британското ГП на истата патека минатиот викенд, но не стартуваше поради проблем со моторот.

„Тестот на Серхио повторно е позитивен и тој ќе ги следи препораките на здравствените работници, иако се наоѓа во добра физичка форма и нема симптоми“, велат од тимот.

CONFIRMED: @HulkHulkenberg will drive for the team this weekend. Full story ⬇️https://t.co/QfYcjtCWlz#F1 #F170

— BWT Racing Point F1 Team (@RacingPointF1) August 7, 2020

Таткото на Лионел Меси, Хорхе и официјално се преселил во Милано, наводно поради даночните олеснувања кои ги нуди Италија, но италијанските медиуми тврдат дека ова е прв чекор во трансферот на арген тинската легенда во Интер.

Според „Калчомеркато“, Хорхе Меси веќе и официјално е жител на Милано, додека кинеските газди на Интер, „Сунинг групацијата“ продолжува со својот економски план за „операцијата Меси“, за која се шпекулира дека ќе чини над 250 милиони евра. Преселбата во Италија поради данокот има смисла, посебно ако се знае дека Лео и неговиот татко беа обвинети од шпанската држава за прикривање данок и платија висока казна.

Сепак, сите шпекулации посочуваат дека главниот проблем ќе биде самата волја на Меси да ја напушти Барселона, клубот во кој ја помина својата цела кариера и каде што е капитен.