Спорт
Лауреус наградите за Ферстапен и Томпсон-Хера
Актуелниот Формула 1 шампион, Макс Ферстапен и јамајчанската спринтерска „кралица“, Илејн Томпсон-Хера се освојувачи на престижната Лауреус награда како најдобри спортисти минатата година.
24-годишниот возач на Ред бул рејсинг, имаше 10 пол-позиции, 10 победи и рекордни 18 подиуми за да ја освои првата светска титула по битката со седумкратниот шампион, Луис Хамилтон. Претходни Ф1 возачи кои ја освоиле оваа награда се Себастијан Фетел и Хамилтон.
„Јас сум првиот Холанѓанец со светска титула и реакцијата во татковината беше прекрасна. Многу ми значи што ја добивам оваа награда, една од најелитните во светот на спортот“, изјави Ферстапен.
29-годишната Томпсон-Хера стана првата жена со две двојни олимписки триумфи во спринтерските трки, откако ги одбрани титулите на 100 и 200 метри во Токио, а освои и трето злато како дел од 4х100 метри штафетата.
„Знам дека Јусеин Болт претходно ја освои оваа награда за Јамајка, така што сум горда што повторно ја враќам дома. Многу сум горда на успехот и мотивирана за повеќе работа во новата сезона“, изјави Томпсон-Хера.
Италијанската фудбалска репрезентација вторпат е добитник на наградата за најдобар тим по триумфот на Европското првенство во 2020, откако и во 2007 ја добија наградата по триумфот на СП во 2006.
Британската тинејџерка, Ема Радукану доби награда за „пробив“ на годината, откако тенисерката триумфираше на САД опен минатата есен како квалификантка.
НФЛ великанот Том Брејди беше почестен со наградата за животно остварување по рекордниот седми триумф во Суперболот, додека полскиот голгетер Роберт Левандовски е добитник на наградата за „исклучително остварување“, откако минатата сезона постигна 41 гола во Бундеслигата за да го сруши 49 години стариот рекорд на Герд Милер.
Валентино Роси, седумкратниот Мото ГП шампион, кој се пензионираше по повеќе од две децении во спортот, стигна до својата трета награда, овојпат како „Спортска икона“, откако во 2011 доби награда за камбек на годината, а во 2006 награда за спортски дух.
? The #Laureus22 World Sportsman of the Year Award winner is @Max33Verstappen
Max won his first @F1 Championship in thrilling style in 2021. The @redbullracing driver had ten Grand Prix wins during the year and a record 18 podium finishes ? pic.twitter.com/8QmjeyDcCr
— Laureus (@LaureusSport) April 24, 2022
? #Laureus22 World Sportswoman of the Year, @FastElaine wowed the world at the Tokyo @Olympics when she established herself as the fastest sprinter in the world, winning gold in the 100 and 200 metres and the 4x100m relay pic.twitter.com/e3Pbs4R4yS
— Laureus (@LaureusSport) April 24, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.