Јапонија е првопласирана во групата Е на Светското првенство во Катар и ќе се судри со Хрватска во осминафиналето по фантастичната 2:1 победа над Шпанија, која пак се „провлекува“ какао второпласирана за дуел со Мароко, откако Германците едвај ја совладаа Костарика (4:2), но тоа не беше доволно за да се осудени на ново испаѓање во групната фаза, второ едноподруго на Мундијалите.

На стартот на мечевите од групата Е изгледаше дека ситуацијата е јасна – Германија и Шпанија стигнаа до рано водство, ситуација во која двата европски гиганти беа сигурни во осминафиналето. Алваро Мората постигна гол трет натпревар едноподруго на Мундијалот за водство на „фуријата“, додека Серж Гнабри стрелаше за водство на тимот на Ханси Флик.

Меѓутоа во второто полувреме, јапонските „самураи“ приредија фантастичен камбек – Рицу Доан прво постигна прекрасен гол во 48. минута, за Аоки Танака по една контроверзна ситуација во 51. минута го комплетираше пресвртот.

Овој резултат ја водеше Шпанија како второпласирана во нокаут фазата, но тогаш Костарика исто така направи пресврт, поведувајќи со 2:1 против Германија, резултат кој ќе значеше испаѓање и на Шпанија, пред замената Каи Хаверц да осигура барем „маншафт“ да се простат со чесна победа, а Никлас Филкруг во последните минути да ги постави конечните 4:2.

ГРУПА Е
Германија – Костарика 4:2
Шпанија – Јапонија 1:2

Графика: Sofascore за Топспорт.мк

Поранешниот украински тенисер, Сергеј Стаховски преку социјалните мрежи ја објави незгодната дискусија која ја имаше со двајцата српски тенисери, Виктор Троицки и Јанко Типсаревиќ, кои се во посета на Русија.

На Троицки, кој е по потекло Русин, Стаховски му напиша: „Разочаран сум од тебе Виктор што си во Русија, но парите можат да купат се“.

„Тоа што сум во земјата на моите предци е бесценето. Ти си само Инстаграм кловн кој сака да меша спорт и политика. Ова нема врска со војната, но кога веќе споменуваш, јас и мојата земја поминавме низ тешки ср.ња, а не добивме поддршка. Те молам замолчи“, му одговори Троицки.

Сличен одговор доби и од Типсаревиќ.

„Навистина? Ајде овака, господин Инстаграм борец за слобода. Дали ти или членови на твојата е.ена фамилија бојкотираа или протестираа кога НАТО ја бомбардираа мојата земја и моето семејство пред 20 години?“, му одговори Типсаревиќ.

Стаховски постот го именуваше „Српското мислење“, иако е интересно дека на почетокот на војната во Украина, токму српскиот тенисер Новак Ѓоковиќ беше еден од првите кои му понудија финансиска и друга помош, за што тој тогаш се заблагодари.

The Serbian opinion… pic.twitter.com/B1PBI7ZMt6

— Sergiy Stakhovsky (@Stako_tennis) December 1, 2022

Стаховски го објави разговорот со Ѓоковиќ и му е жал што Федерер и Надал „молчат“

Ветеранот Дани Алвеш утре ќе стане најстариот капитен во историјата на Бразил на едно Светско првенство, откако селекторот Тите, откако контроверзно го вклучи 39-годишниот бек на УНАМ Пумас во составот, наводно само поради тоа што е близок пријател на Нејмар.

Алвеш, кој се опорави од повредата за свое трето Светско првенство, ја доби честа од Тите да ја носи капитенската лента на мечот со Камерун, каде што ако избегнат пораз ќе го осигураат првото мсто во групата Г по победите над Швајцарија и Србија.

„За мене е многу голема работа што го носам бразилскиот дрес и горд сум на сите успеси. Со бразилската репрезентација сум со години и среќен сум што можам да го завршам овој циклус со настап на Светско првенство. Во овие 16 години го давав мојот максимум, а секогаш сум мислел дека животот ги наградува тие кои го прават тоа што го сакаат“, изјави Алвеш.

Тите, кој се очекува да ги избере Данило или Едер Милитао на оваа позиција во нокаут-фазата, вели дека уште не е фокусиран на осминафиналето, каде што потенцијални противници им се Гана, Португалија или Јужна Кореја.

„Имаме 26 одлични фудбалери и немаме време да се фокусираме на тоа што доаѓа понатаму. Зафатени сме со работа, подготовки. Имам време само за вечера со моето семејство и потоа работата продолжува. Имаме јасна цел – тоа е следниот меч. Во двата меча играа 19 фудбалери, така што кај мене нема стартери или резервисти. Сите се бразилски фудбалери“, вели Тите.