Спорт
ЛЕ: Диало со деби гол за Јунајтед, Милан во 92. минута израмни
Пресметката на двата европски фудбалски гиганти, Манчестер јунајтед и Милан во второто по сила европско натпреварување, Лига Европа, донесе многу интересни моменти, два поништени гола на гостите, промашување за историја, деби гол на новиот талент на „ѓаволите“, Амад Диало, и камбек на „росонерите“ во 92. минута за 1:1 реми пред реваншот на „Сан Сиро“.
Милан на почетокот на мечот имаше два поништени гола, еден поради офсајд (Рафаел Леао) и еден поради играње со рака (Френк Кеси), пред во финишот на полувремето, капитенот на Јунајтед, Хери Мегваер да го има можеби најголемото промашување на празен гол во историјата на спортот.
Во второто полувреме, Оле Гунар Солскјер му даде шанса на 18-годишниот Диало, за кого платија 35 милиони фунти на Аталанта, и тој веднаш одговори со одличен гол со глава по уште подобрата асистенција од Бруно Фернандеш.
Кога Јунајтед се подготвуваа за крај на мечот, во 92. минута, Симон Кјер со удар со глава успеа да израмни на 1:1.
What a pass from bruno and what a finish from Amad diallo ?? pic.twitter.com/iCKvTIxmum
— NBA Alz (@unknownalzz) March 11, 2021
Поголема предност по првиот меч од осминафиналето имаат Ајакс и Вилјареал – „копјаниците“ со 3:0 го совладаа Јанг Бојс, додека „жолтата подморница“ славеше со 2:0 на гости кај Динамо Киев. Ренџерс, по освојвуањето на шкотската титула, одиграа 1:1 на гости со незгодните Славија Прага.
ЛИГА ЕВРОПА, 1/8 ФИНАЛЕ, 1.МЕЧ
Манчестер јунајтед – Милан 1:1
Ајакс – Јанг Бојс 3:0
Динамо Киев – Вилјареал 0:2
Славија Прага – Ренџерс 1:1
Рома – Шахтјор Доњецк 21.00 ч.
Гранада – Молде 21.00 ч.
Олимпијакос – Арсенал 21.00 ч.
Тотенхем – Динамо Загреб 21.00 ч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лил ја згасна Звезда
Фудбалерите на Лил триумфално го завршија натпреварот во Белград. Надополнија минус од еден гол, и по продолженијата со 2:0 славеа на „Рајко Митиќ“.
Дека Црвена звезда ќе има тешка вечер, навести ветеранот Оливие Жиру со голот во четвртата минута. Лил ја анулира предноста на противникот и потоа доминираше во првиот дел, но резултатото не се промени.
Второто полуврме донесе подобра игра на домаќинот, неколку шанси, без реализиција, па натпреварот замина во дополнителните 30 минути.
Таму на црвено-белите им пресуди Ендој во 99-та минута.
Лил во осминафиналето ќе игра против Лион или Астон Вила.
Foto/ Starsport
Спорт
Убедлив пораз на Шкендија кај Самсунспор
Фудбалерите на Шкендија го завршија својот настап во Конференциската лига. Вечервва, во рамките на плејофот за место во осминафиналето, Шкендија загуби со 4:0 кај Самсунспор. Турскиот тим со вкупен резултат 5:0 се пласира во следната фаза.
Шкендија успеа да издржи во првиот дел, но во вториот домаќинот ја демонстрираше својот квалитет.
Нтчам од пенал погоди во 53-та минута, а Ендиај го зголеми резултатот во 71-та. Точка на победата стави стрелецот на голот во Скопеј, Мариус во 79-та и 92-та минута.
EPA/GEORGI LICOVSKI
Спорт
Челзи или Баселона – Луис Енрике откри со кого сака да се соочи
Тренерот на Пари Сен Жермен, Луис Енрике, повеќе би сакал да се соочи со Челзи отколку со Барселона во осминафиналето од Лигата на шампионите.
Актуелниот првак немаше лесна задача во баражот, но успеа да го елиминира Монако. Утре ќе го дознае противникот во осминафиналето.
„Ќе бидам целосно искрен, нека Барселона не заобиколи овој пат. Веќе реков дека сакам повторно да играм против Челзи. Овој пат не сакам да играм против Барселона. Од емотивна страна, дуелот со Барса е секогаш посебен за мене, бидејќи е убаво да се вратиш дома. Барселона е прекрасна и многу посебна за мене. Затоа би сакал да играм против Челзи, ни должат, рече Луис Енрике.
Шпанецот алудираше на поразот во финалето на Светското клупско првенство во кое Челзи победи со убедлив резултат од 3:0.
Ждрепката за осминафиналето од Лигата на шампионите е закажана за петок во 12:00 часот.
Foto/ depositphotos

