Серхио Рамос имал позитивен резултат на последното тестирање на вирусот Ковид-19. Информацијата, со кусо соопштение ја потврди неговиот клуб, Реал Мадрид.

Рамос, поради повредата на мускулот на левата нога не тренира од 1.април. Последниот натпревар што го одиграл за Реал, бил осмина-финалниот реванш со Аталанта во Лигата на шампионите, на 16.март.

Потоа одиграл 50 минути за Шпанија, во квалификациите за пласман на Светското првенство во Катар. 35-годишникот одиграл едно полувреме против Грција и пет минути против Косово.

Младиот српски напаѓач од Фиорентина, Душан Влаховиќ, игра брилијантна сезона, има постигнато 20 голови, со што привлече вниманието на големите клубови. Италијанските медиуми пипуваа за интересот на Јувентус, Рома, Милан, Борусија Дортмунд, Атлетико Мадрид и Ливерпул.

Сопственикот на Фиоренина, Роко Комисо, нема да го попречи евентуалниот трансфер, но само под услов некој да плати 60 милиони евра за Влаховиќ.

Италијанските медиуми тврдат дека оваа сума можат да ја платат Јувентус и Ливерпул.

Душан Влаховиќ има 21 година, тој е првиот играч роден по 2000 година кој во Серија А успеал да постигне 20 голови. Исто така тој е еден од четворицата фудбалери, родени по 2000 година, што успеале да постигнат најмалку 20 голови во едно од петте најсилни национални првенства во Европа.

Покрај Влаховиќ до оваа бројка стигнале Ерлинг Халанд, неговиот соиграч Џејдон Санчо и Мојзе Кен.

Влаховиќ на последните 19 натпревари има постигнато 14 голови, а на последните 324 одиграни минути шест пати бил стрелец.



Масимилијано Алегри, кој Јувентус, освои пет трофеи во низа во Серија А и два пати играше во финалето во Лигата на шампионите, клубот го напушти во 2019 година. Тогаш на неговото место Јувебтус го ангажираше Маурицио Сари. Тој ја продолжи низата на Алегри, ја освои Серија А, но Јувентус не импресионираше со стилот, поради што и дој доби отказ. Јувебтус сезонава во предводи Андреа Пирло.

Јувентус, сезонава, нема да ја одбрани титулата, која ја освојуваше во последните девет години. Тимот на Пирло, нема континуитет, игра по системот топло-ладно, а и атмосферата во соблекувалната не е сјајна.

Медиумите два дена пишуваат за испадот што го направил Кристијано Роналдо, по завршувањето на натпреварот со Џенова и потоа во соблекувалната.

Според „Ла Република“, токму поради Роналдо, Алегри во 2019 година добил отказ. Трофејниот тренер на Јувентус, побарал од челниците да го продадат Роналдо.

„Морате да го продадете Роналдо, поради него не можат да напредуваа клубот и тимот“, бил советот на Алегри.

Претседателот на клубот, Андреа Ањели, сепак решил да не го послуша овој совет, туку му врачи отказ на Алегри. Она што е интересно, Алегри останал во пријателски односи со Ањели и тој најчесто се поврзува со Јувентус, доколку Пирло добие отказ.