Спорт
ЛЕ: Така е кога нема ВАР – Франкфурт ја елиминираше Бенфика со гол од офсајд (видео)
Ајнтрахт Франкфурт успеа да се пласира во полуфиналето на Лига Европа во најконтроверзниот меч на вечерта, откако со 2:0 ја совлада Бенфика и ја елиминираше предноста од 4:2 на португалскиот клуб од првиот меч. Единствен проблем беше, што првиот гол беше постигнат од неверојатно очигледен офсајд.
Челси и Славија Прага одиграа меч со неверојатни седум гола, за „сините“ да победат со 4:3 и да бидат противници на Ајнтрахт во полуфиналето, Арсенал победи и на гости кај Наполи, додека Валенсија со сигурни 2:0 против Вилјареал се пласираше во полуфиналето.
Бундеслигашот дојде во водство во 37. минута откако прво Гачиновиќ го погоди дирекот од удар од шестнаесетина метри, а Филип Костиќ ја смести топката во голот. Ова мораше да биде поништено поради апсолутно чистата офсајд ситуација, меѓутоа бидејќи во Лига Европа не се користи ВАР, се остана на проценката на италијанскиот судија Даниеле Орсато. Тој исто така му даде црвен картон на тренерот на гостите, Бруно Лаже.
Патот кон полуфиналето на Ајнтрахт им го отвори Себастијан Роде, откако во 67. минута постигна убав гол со удар од далеку.
Wtf man… and people say VAR ruins football. Benfica got ROBBED.. Clear offside… pic.twitter.com/Qn43hnHGZp
— moeketsi_skhilo (@RealSkhilo) April 18, 2019
Челси имаше фуриозен старт на „Стемфорд бриџ“ со три гола во првите 17 минути од мечот против Славија Прага и 4:1 на полувреме, но на крајот мораше да внимава откако чешкиот клуб се врати за 4:3 во меч со многу голови.
Арсенал пак, по вторпат го победи Наполи, овојпат на „Сан Паоло“, откако Александер Лаказет постигна убав гол од слободен удар за минимален 1:0 триумф. Нивни противник во полуфиналето ќе биде Валенсија, кои со 2:0 вторпат го победија Вилјареал во шпанската пресметка.
ЛИГА ЕВРОПА, 1/4 ФИНАЛЕ, 2.НАТПРЕВАР
Челси – Славија Прага 4:3, прв натпревар 1:0, вкупно 5:3
Ајнтрахт Франкфурт – Бенфика 2:0, прв натпревар 2:4, вкупно 4:4, Ајнтрахт оди понатаму поради „гол на гости“
Наполи – Арсенал 0:1, прв натпревар 0:2, вкупно 0:3
Валенсија – Вилјареал 2:0, прв натпревар 3:1, вкупно 5:1
ПОЛУФИНАЛЕ
Челси – Ајнтрахт Франкфурт
Арсенал – Валенсија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.