Вечерва (18.00 часот), во салата во „Градски парк“ во Скопје, нашите најдобри кошаркари бараат и трета победа по ред во „А“ групата од претквалификациите за пласман на Евробаскетот 2029 година, два бода со кои ќе бидеме многу поблиску до целта – премин во следниот натпреварувачки круг.

По многу годин, поточно од 9.септември, 2006 година, Македонија ќе биде во улога на домаќин во салата во „Градски парк“, комплетно реновирана во изминатиот период, и подготвена да ги прими сите заинтересирани за вечерашниот дуел, во кој на теренот „црвено-жолтите“ уште еднаш ќе ги поведе Војдан Стојановски.

Капитенот на Македонија е запознат со квалитетите на вечерашниот противник:

„Играме против Луксембург, една добра репрезентација во која шутираат сите кои што се во моментот на теренот. Селекција која игра без класичен центар, што говори дека форсираат брза игра за која треба да најдеме соодветен одговор“ – смета Стојановски.

Предводникот на нашиот национален тим вели дека енергетскито момент е еден од оние кои ќе го донесат веројтно и клучниот дел од дуелот во „Градски парк“. Заедно со добра дефанзива која црвено-жолтите“ треба да ја презентиираат во дуелот со селекциката која исто така има две победи во првите две кола од претквалификациите.

„Наше е да дадеме се од себе, да го потрошиме и оној последен атом од нас. Да имаме добра енергија и тоа како потребна за ваков вид на натпревари. И со една добра игра во одбраната да стигнеме до победата“ – потенцира Стојановски.

Извор и Фото/ mkd.basketball

Лионел Меси беше фрлен на за време на пријателскиот натпревар во Бајамон, Порторико, откако еден навивач влета на теренот, а обезбедувањето се обиде да го спречи.

Инцидентот се случи на натпреварот помеѓу Интер Мајами и еквадорскиот клуб Индепендиенте дел Вале, одигран во четврток вечерта.

Станува збор за одложен натпревар кој првично требаше да се игра на 13 февруари, но беше откажан бидејќи Меси почувствува болка во тетивата за време на претходниот контролен натпревар.

Новиот датум, 26 февруари, беше договорен со организаторот и локалните власти, иако дојде во многу незгодно време за Интер Мајами. Дојде само пет дена по отворањето на сезоната во МЛС со пораз од 3-0 од Лос Анџелес, и помалку од 72 часа пред гостувањето кај ривалите од Флорида, Орландо Сити.

Самиот натпревар беше необичен дури и пред инцидентот со навивачот. Почетокот беше одложен за цел час поради проблем со дресовите. На крајот, двата тима играа во претежно црни дресови, поради што беше тешко да се разликуваат од трибините.

Пред 12.500 гледачи на распродадениот стадион „Хуан Рамон Лубриел“, тренерот на Мајами, Хавиер Маскерано, започна со постава составена претежно од резервни играчи, но Меси влезе на полувремето и на крајот постигна гол од пенал во победата од 2-1.

Во 88-та минута, неколку навивачи влегоа на теренот. Еден од нив истрча кон Меси, а обезбедувањето се обиде да го задржи. Уште двајца помлади навивачи се појавија во толпата барајќи селфи.

Навивачот кој прв влезе на теренот, сега без маица, успеа да му избега на обезбедувањето, се врати кај Меси и го зграби за половината. Во тој момент, обезбедувањето го собори навивачот на тревникот, но правејќи го тоа, го повлече и Меси со себе, кој падна.

За време на хаотичните сцени, ниту еден од соиграчите на Меси не се приближи да го заштити својот капитен. На крајот, противничкиот играч, парагвајскиот напаѓач Карлос Гонзалез, застана до него и го прегрна, додека обезбедувањето и судиите се справуваа со ситуацијата со другите навивачи на теренот.

What a shit show this is.

Both teams in black, fans storming the field, and they end up knocking over Messi. Wow.

https://t.co/DySCzml9SD

— herculez gomez (@herculezg) February 27, 2026

Фудбалерот на Интер, Хакан Чалханоглу, сакаше да се пресели во Галатасарај минатото лето, трансферот ќе се случеше доколку во Милано стигнеше соодветна понуда, додека неодамна во јануарскиот преоден рок, лидерот во Серија А ја отфрли можноста да се откаже од толку важен играч во период кога се бори за двојната круна во Италија.

Но, шампионот на Турција не се откажува од одличниот играч за врска, пораката од клубот е јасна.

„Се обидовме и во јануари, Интер одби“, рече потпретседателот на Галатасарај, Абдула Кавукџу и додаде:

„Хакан е икона на турскиот фудбал. Не знам кога ќе се случи тоа, но дефинитивно ќе го носи дресот на Галатасарај“, рече Кавукџу.

Чалханоглу има 32 години, одигра дури 102 натпревари за турската репрезентација, но никогаш не играл за клуб од својата земја.

Роден е во Германија, а пред Интер играше за Карлсруе, ХСВ, Баер Леверкузен и Милан.

Foto/ depositphotos