Дебитантот во ракометната Супер лига, екипата на Алкалоид приреди сензација во рамките на шестото коло. Екипата која од клупата ја предводи Кирил Лазаров го победи актуелниот шампион Вардар 1961 со 22:21 и внесе дополнителна неизвесност во борбата за шампионската титула.

Вардар 1961, неколку дена по големата победа над Еурофарм Пелистер, доживеа пораз поради кој може да остане без шампионската круна.

Младиот тим на Алкалоид одигра блескаво прво полувреме, во кое Вардар целосно потфрли, а избраниците на Лазаров, карактер покажаа во самиот финиш кога го одбија налетот на Вардар и по водството на црвено-црните 20:21, постигнаа два гола со кои го поставија конечниот резултат.

Голманот Трајковски со 14 одбрани се истакна кај Алкалодид, во чии редови најефикасен беше Серафимов со седум гола. Ист број на голови на спротивната страна постигна Манасков.

Вардар 1961 се уште е лидер на табелата има 21 бод, три повеќе од Еурофарм Пелистер и Алкалоид. Пелистер утре ќе го одигра натпреварот од оваа рунда.

Фото/ facebook.com/rkalkaloid

Фудбалерите на Севилја, како гости, го победија Кадиз со 2:0 во 27. коло од шпанската Ла Лига.

Новиот тренер Хозе Мендилибар со победа дебитираше на клупата на Севилја. Екипата од „Рамон Санчез Писхуан“ се искачи на 13.место на табелата, со 31 поен, но се уште е блиску до опасната зона.

Кадиз останаа на 16.место со 28 поени.

Натпреварот во Кадиз беше решено во вториот дел. Севиља поведе во 51. минута со голот на Окампос, а Ен Несири го постави конечниот резултат во 74. минута.

Претходно, Хетафе освои важен бод во брбата за опстанок на гостувањето во Билбао. По ремито (0:0) на „Сан Мамеш“, Хетафе остана на 14.место со 30 бода, Атлетик Билабо се седми со 37 бода.

Поранешните европски кошаркари Дирк Новицки, Пау Гасол и Тони Паркер се избрани за влез во Куќата на славните на НБА, соопшти оваа институцијата. Свечената церемонија е закажана за 12 август во Спрингфилд, Масачусетс.

Покрај овие тројца, во Ќуќата на славните ќе влезат и Двејн Вејд, Грег Попович и Беки Хамон.

Германецот Новицки е шестиот најдобар стрелец во историјата на НБА (31.560 поени во 1.522 натпревари) во регуларниот дел од сезоната. Тој е првиот Европеец избран за најдобар играч во регуларниот дел од сезоната во 2007 година. Во 2011 година со Далас ја освои шампионската титула.

Шпанецот Гасол со ЛА Лејкерс двапати ја освои шампионската титула во 2009 и 2010 година. Неодамна ЛА Лејкерс го повлече неговиот дрес со број 16. Со репрезентацијата на Шпанија освои една титула светски шампион (2006) и три титули на Европско првенство (2009, 2011, 2015 година).

Французинот Тони Паркер освои четири шампионски титули во НБА со Сан Антонио (2003, 2005, 2007, 2014 година). Тој е првиот европски играч избран за МВП на финалето во 2007 година.