Спорт
Леброн потпиша нов договор – За две години ќе заработи 97 милиони долари

Американскиот кошаркар Леброн Џејмс потпиша нов договор со Лос Анџелес лејкерс вреден 97 милиони долари за две години. Во договорот е вклучена и опцијата тој да биде продолжен за уште една година, односно за сезоната 2024/25.
Висината на договорот може да скокне на 111 милиони долари доколку се зголеми „селери капот“ од 2023 година, објави новинарот на ЕСПН, Адријан Војнаровски.
Новиот договор на „кралот“ вклучува „трејд кикер“ од 15 отсто, што значи дека ќе добие 15 отсто повеќе пари во случај на евентуален трејд.
Со ова Џејмс стана играчот кој заработил најмногу пари од договор во историјата со загарантирани 532 милиони долари. Зад себе тој го остави Кевин Дурент.
Триесет и седумгодишниот Леброн минатата сезона имаше просек од 30,3 поени, 8,2 скока и 6,2 асистенции по натпревар, но неговите Лејкерси не успеаја да се пласираат во плејофот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Ваков нокаут ретко се гледа и во боксот

Натпреварот меѓу уругвајските клубови Пајсанду Интериор и Сориано Капитал (1:0) го најде својот пат до светските медиуми поради потегот што припаѓа на боксерски ринг, а не на фудбалски терен.
Марио Гонзалес е името на играчот кој бранува на социјалните мрежи поради неговото насилно однесување, а Енцо Ечевесте е името на неговата жртва.
Се се случи на две минути пред крајот на натпреварот.
Во последните моменти од мечот, настана мешаница меѓу фудбалерите по еден прекршок. Гонзалес беше опкружен со неколку играчи, а Ечевесте му пријде одзади на противникот и го фати за врат. Откако се извлече, Гонзалес се сврте и го удри Ечевесте во лицето, кој само се струполи на тревата.
„Да заборавиме се што се случи. Се е во ред, мораме да се фокусираме на следниот натпревар и да го оставиме ова зад нас. Ви благодарам на сите за загриженоста и пораките. Добро сум”, изјави Ечевесте по натпреварот.
"TODO PELOTA"
Por la tremenda trompada que le pegó el futbolista Mario González a un jugador rival en el partido de Soriano Capital ante Paysandú Interior en Uruguay. En mis libros, todo pelota, qué pedazo de trompada que le dio el hijo de re mil puta.
pic.twitter.com/fyJNFXPLth— Tendencias en Deportes (@TendenciaDepor) February 23, 2025
Спорт
Бензема смета дека Роналдо не е најдобриот фудбалер во историјата

Карим Бензема, фудбалер на Ал Итихад, ја коментираше изјавата на Кристијано Роналдо дека е „ најдобар во историјата и точка“.
Бензема со Ал Итихад минатиот викенд го победи Ал Наср на Роналдо со 4:1, а по нтапреварот одговорајќи на новинарски прашања рече.
„Секој има право да каже што сака. Ако тој мисли дека е најдобар во историјата, тоа е негово мислење, но има и други играчи. За мене, на пример, најдобар е Роналдо Назарио“, изјави 37-годишниот напаѓач и дополни.
„Не сакам да ги споредувам играчите, мислам дека секој од нив има своја приказна, а и Кристијано има своја приказна“.
Бензема и Роналдо речиси една деценија беа соиграчи во Реал Мадрид.
Спорт
Тотенхем со барање до медиумите: Не викајте нè Тотенхем

Англискиот фудбалски клуб Тотенхем испрати интересно барање до локалните и светските медиуми.
Клубот инсистира новинарите повеќе да не ги нарекуваат само „Тотенхем“, туку „Тотенхем Хотспур“ или скратено „Спурс“.
На ова се инсистира од 2011 година, но се интензивираше во последните две сезони, во екот на кампањата за ребрендирање.
На клубот му пречи затоа што Тотенхем се однесува на област во Лондон, додека Хотспур е вистинското име на клубот.
„Тотенхем им се обраќа на медиумите во врска со именувањето на клубот. Ве молиме наведете го клубот првенствено како Тотенхем Хотспур, а Спурс е најпосакуваната скратена верзија. Во клубот договоривме да не се нарекуваме Тотенхем“, пишува во е-поштата.
Тотенхем е основан во 1882 година, а од 2019 година игра на новиот стадион.
Моментално ја заземаат 12. позиција во Премиер лигата.