Спорт
Лејкерси: Ќе ја поддржиме секоја одлука на Леброн
ЛА Лејкерси добија „метла“ од Денвер Нагетс во финалето на Западот. По поразот во четвртиот натпревар, зборовите на Леброн Џејмс привлекоа големи реакции во јавноста. Леброн најави дека размислува да стави крај на кариерата.
Малку е веројатно дека Леброн, ќе реши да ја заврши кариерата, по убедливиот пораз од Денвер. Голем број медиуми и аналитичари коментираат дека само сакал да го привлече вниманието, односно малку да се зборува за метлата која ја добија Лејкерси од Нагетс.
Два дена по елиминацијата се огласија и челниците на Лејкерси со кои „Кралот Џејмс“ има договор на уште две години. Роб Пелинка, генералниот менаџер, се надева дека Леброн ќе ја продолжи својата неверојатна кариера.
„Има време да се разговара за се. Леброн и даде на кошарката повеќе од кој било пред него во историјата. Тој го заслужи правото да одлучи што е најдобро за него. Се надеваме дека ќе продолжи да игра, но и да одлучи поинаку ќе ја има нашата апсолутна поддршка“, изјави Пелинка.
Леброн во финалето против Денвер имаше просек од 24,4 поени, 9,9 скока и 6,5 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хет трик на Довбик – Џирона со седм гола ја испрати Гранада во Сегунда
Во вториот натпревар од последното 38. коло на шпанската Примера, фудбалерите на Џирона ја декласираа Гранада со 7:0.
Џирона во голем стил ја заврши најуспешната сезона во клупската историја. Екипата од Каталонија е трета на табелата и наредната сезона ќе игра во Лигата на шампионите.
Три гола постигна Украинецот Артем Довбик, кој сега е прв стрелец во лигата со 24 гола, еден повеќе од Норвежанецот Александар Серлот од Виљареал.
Во победата два гола постигна вториот Украинец Циганков, односно Гарсија и Стуани.
Спорт
Реал го прегази Олимпијакос, ќе ја брани титулата против Панатинаикос
Реал Мадрид ќе ја брани титулата в недела против Панатинаикос, откако во второто полуфинале на завршниот турнир во Берлин го победи Олимпијакос со 87:76 (28:10, 28:27, 15:21, 16:18).
Во второто полуфинале немаше никаква неизвесност. Слично како и во првото полуфинале, работите беа решени во рната фаза од натпреварот. Реал, во првата четвртина со шест тројки го торпедираше кошот на Олимпијакос и во вториот период влезе со предност од 18 поени.
Во ист ритам Реал продолжи и во втората четвртина, во која дојде до највисоката преднотс (54:29).
Олимпијакос се разбуди во второто полувреме, во еден момент, во последната четвртина со доближи на негатива од само осум поени, но Реал лесно го одби тој напад и на крајот заслужено победи.
Џанан Муса го предводеше Реал со 20 поени, Марио Хезоња постигна 12, а Гершон Јабуселе и Винсан Поарије по 11.
Кај Олимпијакос се истакнаа Алек Питерс постигна 23 со 10 скока, Шекил Мекисик 17, а Најџел Вилијамс-Гос 15 поени.
Финалниот натпревар Реал-Панатинаикос ќе се одигра в недела од 20 часот.
Спорт
Пандев во „Тимот на светот“, ќе игра против Романија 1994
Тимот на светот утре во Букурешт ќе одигра ревијален натпревар против „златната генерација“ на романскиот фудбал која остави фантастичен впечаток на СП 1994.
На Светското првенство во 1994 година Романија стигна до четвртфиналето.
Дел од тимот на светот ќе биде и Горан Пандев. Во овој тим се меѓудругите Дида, Маикон, Стоичков, Ривалдо, Панучи, Маркос Сена, Савиола, Карембе…
Во тимот на Романија ќе бидат Попеску, Димитреску, Лакатуш, Прунеа, Лупеску, Мунтеану, Дан Петреску…