Спорт
Лејкерси потонаа во финишот – Клиперси го добиа ЛА дербито
Клиперси добија уште едно градско дерби. Славеа над Лејкерси со 105:102. Ноќта во НБА лигата го обележаа натпреварот Вашингтон-Сан Антонио и кошаркарот на Њујорк Никс, Ар Џеј Берет.
Лејкерси, во градската пресметка, водеа со пет поени разлика на две минути до крајот, на крајот останаа без победата. Клиперси во финишот ги користеа своите напади, Лејекрси не. На три секунди до крајот Клиперс дојдоа до предност од три поени, тројка за продолженија промаши Леброн Џејмс.
Џејмс го предводеше својот тим со 21 поен и 11 скока, по 18 поени постигнаа Расел Вестбрук и Кармело Ентони. Теренс Ман со 19 поени и 10 скока, односно Лук Кенард со 18 и Реџи Џексон со 17 поени се истакнаа кај Клиперси. Мајами до победата го предводеа Тајлер Хироу со 25 и Џими Батлер со 23 поени.
Мајами Хит ги поразија Њујорк Никс со 115:100, во натпревар во кој Берет забележа рекорд во кариерата. Играчот на Никс дуелот го заврши со 46 поени.
Сан Антонио и Вашингтон играа продолженија, победија Спарс со 157:153. Џекосн постигна 32 поени, а Мареј забележа 31 кош, 13 скока и 14 асистенции за Сапрс. Кај Вашингтон со 36 поени се истакна Кајл Кузма.
Резултати:
Шарлот-Торонто 125:93
Индијана-Оклахома 125:129
Орландо-Хјустон 119:111
Минесота-Филаделфија 102:133
Финикс-Њу Орлеанс 102:117
Јута-Далас 114:109
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.