Спорт
Лејкерси славеа во Бруклин, Вориорс го декласираа Далас, Клиперси се вратија од -35

Ноќта во НБА лигата, во која ЛА Лејкерси победија во Бруклин, ја обележаа неверојатни резултати и неколку брилијантни индивидуални партии.
Лејкерси во Бруклин победија со 106:96. Леброн Џејмс со 33, односно Малик Монк со 22 поени ги предводеа „езерџиите“ до 24.победа во сезоната. На спротивната страна Џејмс Харден забележа трил-дабл од 33 поени, 12 скокови и 11 асистеции.
Џејсон Тејтум постигна 36, а Џејлен Браун 30 поени во триумфот на Бостон со 53 разлика против Сакраменто. Селктис славеа победа 128:75.
ЛА Клиперс, во Вашингтон, направија сензационален пресврт, губеа на полувремето со 35 поени, на крајот славеа со тројката на Лук Кенард на две секунди до крајот. Бекот на Клиперс погоди и избори дополнително слободно фрлање за конечни 116:115. Амир Кофи ги предводеше Клиперси со 29 поени, херојот Кенард постигна 25.
Дербито на Западот, Голден стејт-Далас, убедливо им припадна на Вориорс. Екипата од Сан Франциско славеше победа 130:92. Седум играчи на Вориорс постигнаа двоцифрен број на поени. Најефикасен беше Џонатан Куминга со 22, Стеф Кари постигна 18, српскиот репрезентативец Немања Бјелица забележа 10 поени и 10 скокови.
Кај Далас играше само Лука Дончиќ. Словенецот заврши со 25 поени и осум скока.
Минесота победи во Портланд 109:107, со тројката која на три секунди до крајот ја постигна Дианџело Расел. Минесота ја предводеше Ентони Едвардс со 40 поени. Кај Портланд се истакна Босанецот Јусуф Нуркиќ со 20 поени и 14 скокови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Бускетс ја игра последната сезона во Барселона
Капитенот на Барселона, Серхио Бускетс, најверојатно ќе го напушти каталонскиот клуб следното лето. Бускетс од академијата на Барселона влезе во првиот тим, во 2008 година. Со Барселона ги освои сите можни трофеи во клупскиот фудбал.
33-годишниот фудбалер повеќе од десет години е стандарден член на средниот ред на Барселона, а со Каталонците има договор до крајот на следната сезона.
Барселона му понуди нов договор на Бускетс, но како што стојат работите тој нема да го прифати бидејќи негова цел е следното лето да го напушти овој клуб и да се испроба во американската МЛС.
„Мундо Депортиво“, објави дека Бускетс веќе одлучил дека ова ќе му биде последна сезона во дресот на Барселона и дека следната година ќе отпатува за САД.
Како што пишува овој медиум, се очекува Бускет да ја продолжи кариерата во Интер од Мајами, а наводно веќе се договорил со клубот предводен од Давид Бечкам.
Се очекува Бускетс да потпише договор за соработка со Интер до крајот на 2025 година.
Спорт
Гана пред СП се засили со шестмина играчи

Фудбалската репрезентација на Гана изненади со пласманот на Светското првенство во Катар бидејќи во дополнителните квалификации ја совлада фаворизираната Нигерија. Во Катар ќе играат со Португалија, Уругвај и Јужна Кореја.
Гана со големи амбиции ќе настапи на Светското првенство. Националниот тим се засили со шестмина фудбалери кои досега играче за младинските селекции на Шпанија, Англија и Германија.
Најпознато име меѓу нив е Инаки Вилијамс (28), напаѓач на Атлетик Билбао. За шпанската репрезентација до 21 година има настапувано 17 пати, а има и еден настап на пријателски натпревар за сениорската селекција. Тој е познат и по тоа што шест последователни сезони ги одигра сите можни 38 натпревари во шпанското првенство.
За Гана ќе настапува и десниот бек Тарик Ламптеј (21), фудбалер на Брајтон кој ги мина сите младински селекции на англиската репрезентација од У-18 до У-21. Во мај ја одби поканата на англиската репрезентација до 21 година.
Од Англија пристигнува и стоперот Мохамед Салису, единствениот од овие шест играчи кој е роден и израснат во Гана. Досега во татковината беше обвинуван дека одбива да игра за репрезентацијата, но сега тоа веќе не е така. Минатата сезона беше стандарден во Саутемптон.
Списокот на нови играчи се заокружува со трио од Германија. Станува збор за двајца фудбалери на ХСВ, напаѓачот Рансфорд Јебоа Конигсдерфер (21) и дефанзивецот Стефан Амбросиус (23), како и дефанзивецот на Дармштад, Патрик Фајфер (22). Сите играа за младинските селекции на Германија, но сега решија да ја претставуваат земјата од која потекнуваат нивните родители.
Фудбалскиот сојуз на Гана се обидува да убеди уште двајца Англичани да го облечат дресот на „црните ѕвезди“.
Станува збор за крилниот напаѓач на Челзи, Калум Хадсон-Одои и напаѓачот на Арсенал, Еди Нкетија.
Спорт
„За Левандовски ќе платите веднаш, бидејќи вие за една до две години нема да постоите“

Раководството на фудбалскиот клуб Баерн Минхен летово ќе им го продаде Роберт Левандовски на Барселона само под услов парите од трансферот да бидат исплатени веднаш. Баерн не сака Барса да плаќа на рати.
Полскиот напаѓач неколку пати јавно изјави дека по секоја цена сака да го напушти Баерн ова лето. Од друга страна, Баварците не се желни да се откажат од него, но доколку бидат принудени на тоа до крајот на преодниот рок, за неговата слобода ќе бараат 50.000.000 евра.
Барселона веќе го контактирала, а Лева е подготвен да се пресели на „Камп Ноу“, но јасно е дека целата операција ќе биде тешка за реализација. Прво и основно – Барса во моментов нема пари за такво нешто. Тие пред неколку дена ги доведоа Френк Каси и Андрес Кристенсен без обесштетување и овие зделки во овој момент се најдобри за нив.
Доколку Френки де Јонг замине во Манчестер јунајтед, што е малку веројатно Џоан Лапорта ќе има пари, од кои дел може да му насочи на Левандовски.
И во тој случај желбата на Барселона е трансфеот на Левандовски да го исплаќа на рати. Во Минхен не размислуваат за оваа опција бидејќи „нивното раководство верува дека овој клуб нема да постои за година или две“!
Ова го изјави германскиот новинар Рафаел Хонигштајн во подкастот на „Атлетик“ „The Totally Football Show“. Затоа, доколку сакаат, Каталонците мора да ја платат потребната сума веднаш.
Познато е дека Барселона е во големи финансиски проблеми кои датираат уште од последното раководство на чело со Бартомеу, а Лапорта се обидува да ги намали трошоците и со влезот на новите спонзори да го намали долгот кој се проценува дека изнесува 1.300.000.000 евра.