Спорт
Реал ги „спушти“ на земја Уникс, Макаби преживеа против Алба
Реал Мадрид стигна до убедлива 85:68 победа над Уникс Казан, за да се одвојат на првото место во Евролигата со 17-3 скор и да му отчитаат вистинска лекција на рускиот тим кој беше во одлична серија.
Валтер Таварес имаше дабл-дабл учинок (14 поени, 11 скока), Гершон Јабуселе додаде 13 поени, додека Абалде имаше 12, а Љуљ 11 во одлична тимска победа на „белите“, кои влегоа во мечот по поразот од лутиот ривал Барселона во домашната лига.
Реал поведоа со 47:31 на полувреме и имаа дури 31 поен предност (74:43) пред крајот на третата четвртина, доминирајќи во шутевите и под кошот. Уникс сега има 12-8 скор и е израмнет на шестото место на табелата со домашниот ривал ЦСКА Москва, со кого играат веќе в петок.
Макаби пак, го издржаа камбекот на Алба Берлин, иако за малку ќе пропуштеа предност од 17 поени, за 87:78 победа, нивна втора во низа по триумфот над Олимпијакос. Алба губеше со 65:48 на три минути пред крајот, но се вратија на 79:76 на 2:30 пред крајот со две тројки на Лук Скма и Маодо Ло.
Скоти Вилбекин ги предводеше Макаби со 18 поени и 6 асистенции, додека Дерик Вилијамс и Џејлен Рејнолдс имаа по 14 поени. За Алба, Ло заврши со 18 поени, а Сикма имаше 12 поени и 6 скока.
ЕВРОЛИГА, 20.КОЛО
Макаби Тел Авив – Алба Берлин 87:78 (23:23, 24:16, 20:19, 20:20)
Реал Мадрид – Уникс Казан 85:68 (21:14, 26:17, 27:14, 11:23)
Асвел Лион – Баерн Минхен 68:77 (16:20, 13:25, 13:16, 26:16)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.