Спорт
Ленгле ги налути Каталонците: Пуштете го пеш да се врати во Барселона и потоа дајте му отказ
Клеман Ленгле со насмевка пријателски разговара со Роберт Левандовски, а Гави со солзи во очите го напушти теренот во Минхен. Оваа сцена најдобро ја отсликува ситуацијата во која се наоѓа Барселона.
Гави е дете на клубот, му се предвидува голема кариерата, Ленгле е легионер, кој веројатно со душа сака да замине од клубот кој се наоѓа во длабока криза на сите полиња.
Gavi's reaction knowing Barça was heading to the Europa league compared to Lenglet at full time tells you everything that's wrong with this current Barça team. And this doesn't just apply to Lenglet this applies to many of the veterans in this team.
pic.twitter.com/B7CyE139BW— Barça DNA?✨ (@PPMBARCA) December 9, 2021
Веројатно, Ленгле синоќа вчера си го потпиша отказот. Можно е во зимскиот преоден рок да биде продаден.
Неговиот пријателски разговор со Левандовски наиде на голема осуда во каталонските медиуми и кај навивачите.
„Ленгле ако го гледаш ова – ти се човек без срам. Го носиш грбот со кого се поистоветуваат милиони навивачи. Денес плачевме, не можевме да спиеме, не можевме да вечераме, а утре ќе бидеме нервозни. А што направи ти, се смееш една минута по завршувањето на натпреварот. Немаш срам“, рекол поранешниот фудбалер Џорди Џота, кој работи како новинар во „Ел Чирингито“.
„Јас да се прашував, ќе го натерав пеш да се врати во Барселона. А кога ќе дојдеше во Барселона веднаш би му го раскинал договорот. На крајот не е виновен Ленгле, но…Болно е ова“.
A traumatised Jota Jordi speaks to camera to explain how Clement Lenglet should be forced to walk back to Barcelona from Munich. pic.twitter.com/9byxBa8vod
— El Chiringuito in English (@ElChiringuitoEN) December 9, 2021
Барселона со поразот од Баерн во Минхен, прв пат по 2000 година, не успеа да се пласира во осмина-финалето, во Лигата на шампионите. На пролет, Барселона, ќе се натпреварува во Лига Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.