Италијанскиот селектор Роберто Манчини и официјално го врати Марио Балотели во репрезентацијата откако беше повикан меѓу 35-те фудбалери за интернационалната пауза.

31-годишниот Балотели, кој оваа сезона игра во турскиот Адана Демирспор, се враќа во репрезентацијата првпат од септември 2018 година кога одигра 62 минути при 1:1 ремито со Полска во Лигата на нациите.

Манчини со Балотели ќе се обиде да ја реши кризата во нападот за европските шампиони откако Чиро Имобиле и Андреа Белоти беа во слаба форма во последните квалификациски мечеви за Светското првенство. Македонија ќе гостува на Италија во првиот бараж-натпревар за пласман на мундијалот во Катар во март по што победникот ќе игра со подобриот од мечот Португалија – Турција.

Манчини и Балотели се познаваат многу добро откако работеа заедно во Интер и во Манчестер сити и иако има и големо пријателство, екцентричното однесување на Балотели честопати му пречеше на стратегот.

#Nazionale 🇮🇹

📋 Il Ct #Mancini convoca 35 #Azzurri per lo stage in programma dal 26 al 28 gennaio a #Coverciano

I dettagli 👉🏻 https://t.co/vD9kBSC5vT#VivoAzzurro pic.twitter.com/T3DbIK0PUi

— Nazionale Italiana ⭐️⭐️⭐️⭐️ (@Azzurri) January 24, 2022

Колумбискиот велосипедист Еган Бернал, шампионот од Тур де Франс 2019 и од Џиро Диталија 2021, е во болница во престолнината Богота откога на тренинг се судрил со паркиран автобус, потврди неговиот тим Инеос.

„Еган Бернал е однесен во болницата по инцидентот на тренингот ова утро. Бернал тренира во близината на својот дом, за среќа, бил придружуван од медицинскиот тим на Инеос и е во стабилна состојба во болницата“, велат од тимот.

Според шпанска „Марка“, Бернал добил скршеница на коленото и на бутната коска. Бернал стана првиот Јужноамериканец со победа на Тур де Франс во 2019 година пред лани да ја освои својата втора голема трка во Италија.

Директорот на Црвена звезда, Звездан Терзиќ, потврди дека клубот се согласил да му го продаде тинејџерот Марко Лазетиќ на Милан иако своја понуда дале и од Фиорентина.

„Росонерите“ ќе го добијат 18-годишниот напаѓач за 5 милиони евра и сега останува само да се договорат условите со агентите на фудбалерот за трансферот.

„Имаше интерес од големи клубови за Лазетиќ – од Зенит, Салцбург, Фиорентина. Трансферот е знак дека работиме добро во последните години. Со овој трансфер ќе ги исплатиме големите инвестиции во младинскиот сектор, кој нѐ чини 3 милиони евра годишно“, изјави Терзиќ.