Еден од најдобрите тренери во Италија, Роберто Де Зерби, ја напушта Серија А. Тренерот на Сасуоло кариерата ќе ја продолжи во Украина.

Инсајдерот, Фабрицио Романо, објави дека Де Зерби, се договорил со сопственикот на Шахтјор, да го предводи тимот најмалку до јуни 2023 година.

42-годишниот тренер, во кариерата ги предводел Фоџа, Палермо и Беневенти. Тренер на Сасуоло е од 2018 година.

Андреа Пирло, тренерот на Јувентус, по катастрофата против Милан (0:3), рекол дека нема намера да поднесе оставка на функцијата. Пирло ја прифатил одговорноста за поразот и најавил борба до крајот за место во Лигата на шампионите.

„Оставка? Не, нема да отстапам. Дојдов овде со голем ентузијазам и покрај бројните проблеми. Имаме уште три натпревари, ќе остана до крајот“, рекол Пирло и дополнил.

„Кога нешто не е како што треба, тогаш јас ја преземам одговорноста. Овој тим има одлични играчи и очигледно е дека нешто не е како што треба. Имам поинаков проект во мислите, верував дека ќе има поинаков тим. Работев на некои концепти, но морав да направам некои промени за да се прилагодам на нивните карактеристики“.

Јуве се петти на табелата во Серија А, со поен помалку од Наполи и два од Милан и Аталанта.

До крајот на сезоната Јувентус ќе играат против Сасуоло, Интер и Болоња.

Тренерот на Реал Мадрид, Зинедин Зидан, не го криел незадоволството по ремито со Севилја (2:2). Дуелот го обелажа моментот од 74.минута, кога судијата Хосе Луис Мунуера, досиди пенал за „кралскиот клуб“, но по интервенцијата на ВАР, ја смени одлуката и покажа на белата точка на спротивната страна од теренот.

На акцијата од која Реал добија пенал и претходеше играњето со рака пред својот гол од страна на Едер Милитао.

„Ништо не разбирам. Судијата не успеа да ме убеди во својата одлука. Никогаш не го коментирам судењето, но денес сум лут. Со играта во второто полувреме заслуживме повеќе од бод. Лут сум бидејќи ја заслуживме победата. Имаше две ситуации кога топката погоди играч во раката, а пенал судеа против нас“, рекол Зидан.

На три кола до крајот на сезоната, Реал има два поени помалку од лидерот Атлетико Мадрид.