Спорт
Лев: Не успеавме да им направиме проблем, Гнабри: Честитки до Македонија

Германскиот селектор Јоаким Лев нема многу оправдувања за шокантниот (и за нас историски) 1:2 пораз од Македонија, признавајќи дека неговиот тим едноставно не успеал да ни направи проблем.
„Разочарувањето е огромно. Бевме преуморни и ја немавме свежината во нашите акции и направивме премногу грешки. Кога игравме брзо, бевме опасни. Противникот играше длабоко, но не успеавме да им направиме никаков проблем. На крајот, беше крајно разочарувачки“, вели Лев.
Серж Гнабри, кој можеби ги имаше најдобрите шанси од игра, честиташе за победата.
„Честитки до Македонија. Се вративме во игра, направивме шанси, но работите напред не функционираа. На крајот тоа не беше доволно“, изјави Гнабри.
Најголеми критики имаше од капитенот, Илкај Гундоган.
„Вакви работи не смеат да се случуваат. Чувствувавме како Македонците да беа пред голот само двапати! Направивме доста шанси, но не дојдовме до гол. Не изгледавме добро ниту напред, ниту назад“, вели ѕвездата на „Манчестер сити“.
Joachim #Löw: “Die Enttäuschung ist bei uns allen riesengroß. Wir haben müde gewirkt, Fehler gemacht und waren langsam im Spiel nach vorne. Der Gegner stand tief und wir haben keine Mittel gefunden, ihn vor Probleme zu stellen.” ➡️ https://t.co/L0eeCYZN4y#GERMKD #DieMannschaft pic.twitter.com/7RPke5f1UZ
— Die Mannschaft (@DFB_Team) March 31, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Славеничка победа против Динамо Букурешт: Пелистер прослави 80 години постоење

Фудбалскиот клуб Пелистер на најдобар можен начин го одбележа големиот јубилеј – 80 години од своето постоење. На стадионот „Петар Милошевски“ во Битола, „зелено-белите“ славеа со 2-0 против реномираниот романски клуб Динамо Букурешт во пријателски натпревар исполнет со одлична атмосфера.
По израмнето прво полувреме, домашниот состав беше поагилен во продолжението и искористи една грешка на гостите. Во 75. минута, дефанзивецот Тоадер несреќно си постигна автогол, со што Пелистер поведе со 1-0.
Во завршните минути, капитенот Александар Ристевски беше прецизен од белата точка и го постави конечниот резултат 2-0, со што беше заверена славеничката победа.
Јубилејот го следеа бројни навивачи, тука беа и популарните „Чкембари“ кои исто така слават 40 години постоењето, имаше богата програма, а Пелистер со оваа победа уште еднаш потсети дека традицијата и љубовта кон фудбалот во Битола живеат и по осум децении.
Спорт
Мегваер одбива половина милион евра неделно, само за да остане во Јунајтед

Дефанзивецот на Манчестер Јунајтед, Хари Мегваер, е подготвен да одбие фантастична сума од Саудиска Арабија, бидејќи сака да остане во тимот од Олд Трафорд, но има еден услов.
Мегваер ќе одбие неделна плата од половина милион евра, односно 25 милиони евра годишно од Саудиска Арабија. Сепак, треба да се нагласи дека тој ќе го стори тоа само ако клубот му понуди гаранции и нов договор.
Мегваер е мета на клубови од Саудиската професионална лига, Ал-Наср и Ал-Етифак, кои се подготвени да му понудат највисока плата во светот за стопер. Договорот на поранешниот капитен на Јунајтед истекува во јуни, а веќе во јануари ќе може слободно да преговара со други клубови.
Мегваер се пресели од Лестер во Јунајтед во 2019 година за тогаш неверојатни 80 милиони евра, со што ја доби титулата најскап дефанзивец во светот.
Во овие шест години, тој често правеше катастрофални грешки, а противничките навивачи во Англија „често“ го потсетуваат на тоа со наменски песни.
Спорт
На Мбапе му недостигаат пет гола за да урне два неверојатни рекорди

Килијан Мбапе продолжува да го пишува своето име во историјата на фудбалот. Францускиот ас блеска и оваа сезона во дресот на Реал Мадрид, а за време на репрезентативната пауза постигна гол во победата на Франција над Азербејџан со 3-0.
Со овој погодок, Мбапе стигна до бројката од 53 гола за репрезентацијата, и сега му недостигаат само пет за да го престигне Оливие Жиру (57) и да стане најдобар стрелец во историјата на Франција.
Но тоа не е единствениот рекорд што го брка. Капитенот на „триколорите“ има 12 гола на Светските првенства и е на чекор од историја – само пет му недостигаат за да го престигне Германецот Мирослав Клосе, кој со 16 погодоци е најдобриот стрелец во историјата на Мундијалите.
Од активните фудбалери пред него е само Лионел Меси со 13 гола, но останува неизвесно дали Аргентинецот ќе игра на СП 2026.
Ако Мбапе го задржи сегашниот ритам, Мундијалот во САД, Канада и Мексико може да биде местото каде што ќе испише нова страница во фудбалската историја.