Спорт
Левандовски е „БЕСТ“, за Кристијано специјална награда на ФИФА

Роберт Левандовски ги победи Лионел Меси и Мохамед Салах за да ја освои наградата за најдобар фудбалер минатата сезона во избор на ФИФА, односно наградата која го носи името „FIFA BEST“, како утеха за загубената „Златна топка“, која неодамна ја загуби токму од Меси.
Ова е втора година во низа во која 33-годишниот полски напаѓач на Баерн Минхен ја освојува наградата, откако минатата сезона имаше неверојатни 69 голови.
Алексија Путелјас, фудбалерката на Барселона, е прогласена за најдобра фудбалерка на светот, откако ја доби и „Златната топка“, додека Кристијано Роналдо доби специјална награда во чест на неговите 115 голови за португалската репрезентација, така соборувајќи го рекордот на Иранецот Али Даеи.
?? #TheBest FIFA Men’s Player Award 2021 goes to #RobertLewandowski!
??? Fans, players, coaches and journalists have spoken, naming @lewy_official as #TheBest! pic.twitter.com/21hfIDR3rI
— FIFA World Cup (@FIFAWorldCup) January 17, 2022
? The Best in the World ?#TheBest FIFA Women’s Player Award 2021 goes to @alexiaputellas!
?? | #AlexiaPutellas pic.twitter.com/bS8GAApgAZ
— FIFA Women’s World Cup (@FIFAWWC) January 17, 2022
?✨ Cristiano Ronaldo is the recipient of #TheBest FIFA Special Award!
?? Legend. Winner. Goalscoring machine. @Cristiano. pic.twitter.com/ZnzGMJKCEk
— FIFA World Cup (@FIFAWorldCup) January 17, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона го декласира Олимпијакос, Пафос со играч помалку освои бод во Алмати

Барселона го декласира Олимпијакос со 6:1, а Каират и Пафос одиграа без голови, во првите натпревари од третото коло во Лигата на шампионите.
Барселона на домашен терен доминираше против Олимпијакос, но до убедливата победа дојдоа откако грчкиот тим остана со фудбалер помалку на теренот.
Фермин Лопз и донесе предност на Барселона од 2:0 со головите во седмата и 39-та минута. Во 50-та минута ВАР го поништи голот на Ел Каби, но само четири минути подоцна напаѓачот на Олимпијакос го намали резултатот.
Мечот практично беше решен во 57-та минута кога Хезе го доби вториот жолт картон.
Од тој момент Барселона постигна четири гола. Јамал погоди од пенал, Лопез го комплетира хет-трикот, а два гола постигна Рашфорд.
Во Алмати, Каират речиси целиот натпревар го одигра со играч повеќе и според шансите успеа да се спаси од пораз.
По три минути и две секунди игра Кореа доби црвен картон поради опасен старт. Ова е вториот најбрз црвен картон во историјата на лигата на шампионите. Рекордер сè уште е Олександр Кучер, кој беше исклучен по две минути и 39 секунди на натпреварот помеѓу Шахтјор и Баерн на 11 март 2015 година.
Во првиот дел Драгомир имаше ситуација „еден на еден“ со голманот на Каират, добра шанса промаши и бразилскиот верат, Давид Луиз, а во вториот дел во 71-та минута Драгомир постигна спектакуларен гол, но ВАР го поништи бидејќи стрелецот на голот на почетокот на акцијата беше во офсајд.
Foto/ EPA
Спорт
Мафијата вмешана во водењето на италијанскиот клуб – Сега е под судска управа

Италијанскиот второлигашки фудбалски клуб Јуве Стабија, кој потекнува од Кастеламаре ди Стабија во близина на Неапол, е под судска администрација поради можна вмешаност на мафијата во неговиот бизнис, објавија италијанските обвинители и полицијата.
Неаполската мафијашка организација Камора ги има своите корени токму во Кастеламаре ди Стабија, а канцеларијата на италијанскиот обвинител објави дека обемната истрага „открила систем сличен на мафијата во економските активности на клубот“.
Сегашната сопственичка структура на клубот „наследила долгорочни економски врски кои биле предмет на влијание на мафијата од самиот почеток и не вовеле соодветни механизми за контрола и заштита како одговор“.
Компанијата Брера Холдингс, со седиште во Ирска, купи 52 проценти од клубот во јуни оваа година.
Обвинителството тврди дека Камора ја контролирала продажбата на билети, испораката на храна, перењето облека и обувки, медицинската грижа за играчите, па дури и ги имала под контрола патните трошоци на првиот тим.
„Играчите само мораа да играат, Камора се погрижи за сè друго“, рече неаполскиот обвинител Никола Гратери.
Задачата на судската администрација затоа ќе биде да ја врати легалноста и транспарентноста на раководството и да го врати клубот во состојба на независност од мешањето на мафијата.
Минатиот месец, судска администрација беше воведена и во третолигашкиот клуб Кротоне од јужниот регион Калабрија, исто така поради сомневања дека е инфилтриран од организиран криминал.
Спорт
Алаба (повторно) се повреди

Дефанзивецот на Реал Мадрид, Давид Алаба, повторно е повреден.
Австриецот има проблем со повредите од декември 2023 година, кога го повреди коленото и беше надвор од игра една година.
Потоа, по враќањето, имаше бројни проблеми со мускулите, што е случај и сега.
Алаба доби шанса против Хетафе, но си одигра само едно полувреме поради болки во мускулите. Денешните тестови покажале дека мора да направи кратка пауза.
Медиумите од Мадрид пишуваат дека е очигледно, дека Алаба не може да се врати во вистинската форма и дека оваа повреда е уште една потврда дека за него нема место за следната сезона.
Тој е во последната година од договорот и ја има втората најголема плата, бидејќи пристигна како слободен агент, па Реал нема намера да му понуди нов договор.
Освен него, за претстојното „Ел Класико“ ќе недостасуваат и Антонио Ридигер, Дани Карвахал, додека Дин Хаусен е знак прашалник.
Натпреварот Раел Мадрид – Барселона е закажан за недела во 16:15 часот.