Спорт
Левандовски: Меси и Роналдо се достојни да седат на маса со мене
Роберт Левандовски вели дека неговите перформанси во последните неколку сезони можат да се мерат со тие на Лионел Меси и Кристијано Роналдо, откако ги победи двајцата за да ја освои ФИФА Бест наградата за најдобар фудбалер во изминатата сезона.
Меси има освоено шест „Златни топки“, Роналдо застана на пет, а оваа година наградата не беше доделена поради пандемијата на корона вирусот и во интервју со сопствениците на наградата, „Франс фудбал“, Левандовски вели дека не треба да има споредби, но се пофали со своите бројки.
„Меси и Роналдо седеа на иста маса, на врвот, долго време и тоа ги прави неспоредливи со другите. Затоа би го одговорил вашето прашање со тоа дека не можам да се замаислам покрај нив засега. И покрај тоа, ако ги земете бројките за оваа година и за претходните, мислам дека сум доволно добар според головите и перформансите. Затоа, бидејќи не сум на иста маса со Меси и Роналдо, можам да ги поканам да јадат на мојата маса“, вели Лева.
Иако на 32 години, многумина сметаат дека најдобрите години на Полјакот се зад него, тој вели дека не недостасува желба за успех.
„Постојано имам желба за прогрес, посебно сега, кога знам дека моето време е ограничено. Кога повторуваш нешто секој ден, можеш да ја мериш успешноста за три или шест месеци, не следниот ден. Луѓето сакаат инстант решенија, а трпението е важно и во фудбалот и во животот“, додава Левандовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.