Спорт
Артета ги збуни навивачите на Арсенал со својата „математика“
На навивачите на Арсенал не им е лесно. Тимот е во длабока криза со многу лоши резулати во низа, а уште повеќе ги збуни последната прес-конференција на менаџерот, Микел Артета, кој даде бизарни бројки за шансите на неговиот тим за победа.
„Топчиите“ немаат победа во Премиер лигата веќе седум меча, освојувајќи само два поени во тие мечеви, и Артета е под притисок откако тимот е на четири поени од зоната за испаѓање и 12 поени надвор од топ 4. Последниот прес на Артета не ги разубеди критичарите.
„Ако ги погледнете шансите за тоа како губиме оваа година, тоа е неверојатно. Лани против Евертон победивме со 25% шанси за победа, според статистиката. Победивме со 3:2. Минатата недела имаше 67% шанси за победа и 9% шанси за пораз и загубивме. 3% против Барнли и загубивме, 7% против Спарс и загубивме“, вели Артета.
Секако, изјавата беше предмет на потсмев на социјалните мрежи, а најинтересниот коментар беше дека „Венгер остана нормален две децении, Арсенал го скрши Артета за една година“.
"Last year against Everton we had 25% chance to win and we won. Last weekend we had 67% chance of winning and 9% of losing and we lost. 3% against Burnley we lose, 7% against Spurs we lose."
Mikel Arteta on Arsenal's results pic.twitter.com/7UOzPCrn90
— Football Daily (@footballdaily) December 21, 2020
Love and still back Arteta but this is a load of bollocks. I get he can’t exactly say we’re fucking shit, but at least come up with something better than this. https://t.co/ocRhqpwdAM
— Andrew (@artetandrew) December 21, 2020
Arteta: "Last year against Everton we won the game with 25% chance of winning,supported by the stats.We won 3-2.Last week it was 67% chance of winning & 9% of losing, & you lose.3% against Burnley & you lose.7% against Spurs & you lose"
We're doomed
Ive never heard such nonsense— TheGoonerNation (@TheGoonerNation) December 21, 2020
Wenger deserves so much more credit for managing Arsenal for two decades and staying largely sane and stable, the club has already broken Arteta https://t.co/QGKJdNKV6p
— Finley Crebolder (@FinCrebolder) December 21, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.