Спорт
Левандовски: „Златната топка“ би му ја доделил на Левандовски

Напаѓачот на Баерн Минхен блескаше изминатата сезона, со Баварците ја освои тројната круна. Сепак најпрестижната награда во светот на фудбалот „Златната топка“ нема да ја добие. „Франс фудбал“ на почетокот на јули објави дека поради пандемијата на вирусот Ковид-19 оваа година нема да ја додели наградата.
„На кого би му ја доделил „Златната топка“ оваа година? На Левандовски“, рекол напаѓачот на Баерн во видеото на „Твитер“ кое го објави „Канал Спортови“.
Најголем дел од стручњаците и навивачите се согласуваат со ова мислење на Левандовски.
На порталот „Ghange.org“ 140.000 луѓе ја потпишале петицијата со која го повикуваат „Франс фудбал“ да ја додели „Златната топка“ за 2020 година.
– Komu Robert Lewandowski wręczyłby Złotą Piłkę?
– Sobie ?Już wkrótce cała rozmowa! ? pic.twitter.com/jrV2vEauf0
— Kanał Sportowy (@Sportowy_Kanal) August 28, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гонзало Гарсија е новиот тренер на Хајдук

Гонзало Гарсија официјално го презеде Хајдук, потврди клубот. На клупата на третопласираниот тим од неодамна завршената сезона во Хрватска тој го наследи Гатузо.
Трансферот на тренерот беше потврден откако сплитскиот клуб постигна договор со Истра 1961, која претходно ја водеше Гарсија. Договорот е потпишан до летото 2028 година, а новиот тренер официјално ќе и биде претставен на јавноста следната недела, пред почетокот на подготовките на клубот за новата сезона.
Гарсија со Истра 1961 сезоната ја заврши на шестото место. Во 18 натпревари од вториот дел од сезоната, тој загуби само три пати, а покрај тоа, имаше седум победи и осум нерешени резултати.
Спорт
Хамилтон: Васер е личноста што ќе го однесе Ферари до врвот

Ферари и Луис Хамилтон не импресионираа во првиот дел од сезоната. Многу се зборува за водството на италијанскиот тим, лошите тактики, стратегиите… Сепак, Хамилтон тврди дека првиот човек Фредерик Васер е вистинската личност на вистинското место.
Луис Хамилтон моментално е шести во генералниот пласман, позиција пред него е тимскиот колега Шарл Леклер. Нивните резултати во овој дел од сезоната му овозможија на тимот да биде втор во шампионатот на конструктори. Иако со речиси 200 поени помалку од лидерот Мекларен.
Под притисок поради резултатоте во рпвите девет трки за наоѓа шефот на тимот Фредерик Васер.
„Заедно сме во ова. Работиме напорно зад сцената. Работите не се совршени, но јас сум тука да работам со тимот, а секако и со Фред. Го сакам Фред тука. Верувам дека тој е личноста што ќе нè однесе на врвот“ рече Хамилтон.
„Многу луѓе немаат поим што се случува зад сцената. Ова прашање не е на дневен ред и сигурно не би било нешто што би го поддржал“.
Ферари ќе има можност да направи нов пробив овој викенд, кога на програмата е Големата награда на Канада.
Спорт
Трансферот на Зинченко зависи од Тео Ернандез

Играчот на Арсенал, Олександр Зинченко, е заинтересиран за трансфер во Милан, објавија италијанските медиуми.
Трансферот зависи од Тео Ернандез, кој се подготвува да замине од „Сан Сиро“. Милан преговара со Атлетико за трансферот на Тео, бидејќи фудбалерот изразил желба да се врати во клубот од чија академија потекнува.
Кога овој трансфер ќе биде завршен, Зинченко ќе може да го напушти Арсенал. Украинецот бара нов клуб бидејќи минатата сезона немаше никаква улога кај Микел Артета.