Тензична атмосфера го одбележа натпреварот меѓу Црна Гора и Хрватска во Подгорица.

„Коцкестите“ славеа по големиот пресврт (3:2), а во регионалните медиуми, повеќе се зборува за навивачите отколку за играчите.

Гостинските навивачи, извикуваа „За дом спремни“ (усташки поздрав од периодот на Втората светска војна) и „Убиј го Србинот“, додека Црногорците ги придружуваа таквите извици со свирежи.

Тие не застанаа тука, па Црногорците потоа возвратија со „Усташи, четници, заедно бегавте“.

Имаше и транспаренти, па „Торцида“ постави еден со натпис „Се слушаат вресоци од Дубровник, пу..те к.р четници, нема прошка“.

Ова најверојатно е одговор на транспарентот на црногорските навивачи, кој го развиорија на „Максимир“ и со кој бараа прошка за опсадата на Дубровник во војната во поранешна Југославија.

Ustaše, četnici,
zajedno ste bježali. pic.twitter.com/gMbymRHExe

— efikasnareakcijanadležnihinstitucija (@MilosPrelevic) November 17, 2025

Фудбалската репрезентација на Македонија вечерва (20:45 часот) ќе го одигра последниот натпревар од квалификациите за Светското првенство 2026.

Со нерешен резултат или победа на гостувањето во Кардиф против Велс, нашиот национален тим ќе го обезбеди второто место во групата, што значи и поповолен ривал во плејофот за пласман на Мундијалот.

Капитенот Енис Барди е убеден дека Македонија има сили да се справи со притисокот и предизвикот што ги очекува, и покрај тоа што атмосферата во Кардиф ќе биде силно наклонета кон домаќините. Тој истакна дека поддршката на навивачите од Македонија ќе биде нивниот најголем мотив.

„Секогаш нагласувам дека треба да уживаме во секој момент, најпрво затоа што имаме чест да ја претставуваме нашата земја, а потоа и затоа што знаеме дека сите луѓе дома се со нас. На трибините можеби ќе имаме малку навивачи, но во душата знаеме дека цела Македонија ќе ни дава сила. Не очекува тежок дуел, но сме подготвени да дадеме вистински одговор“, изјави капитенот Барди.

Извор/ Фудбалска федерација на Македонија

Никола Јокиќ повторно забележа монструозен трипл-дабл, но промаши тројка за продолженија и Денвер Нагетс доживеаја шокантен пораз во Чикаго 130:127.

Јокиќ го забележа осмиот трипл-дабл во сезоната, во 13-от натпревар,а Денвер го забележаа третиот пораз. Србинот мечот го заврши со 36 поени, 18 скокови и 13 асистенции.

Го следеа Џамал Мареј со 34 поени (18 од нив во последната четвртина) и Арон Гордон со 24 поени.

Ајо Досунму и Џош Гиди го предводеа Чикаго со по 21 поен, а Гидиимаше и 14 скока.

Неверојатно звучи податокот дека играчите од клупата на Чикаго постигнаа 66 поени, додека Денвер од резервите доби скромни девет поени.

Неизвесна завршница имаше и мечот во Филалделфија. Севентисиксерс ја истопија двоцифрената негатива и славеа во дуелот со ЛА Клиперс 110:108.

Тајрис Макси го заврши натпреварот со 39 поени и беше убедливо најефикасен. Квентин Грајмс додаде 19, Еџкомб додаде 14, а Драмонд имаше 18 скока. Пол Џорџ, кој беше стартер и одигра 21 минута, се врати по долгата пауза поради повреда. Тој запиша девет поени, седум скока, три асистенции и две блокади.

Кај Клиперси, Харден беше најефикасен со 28 поени, шест скока и пет асистенции. Коби Сандерс постигна 17 поени, Ивица Зубац постигна 14 поени и 13 скока, а Џон Колинс и Никола Батум постигнаа по 11 поени.

Харден на овој меч ја мина бројката од 28.000 поени во кариерата и сега се наоѓа на 11-то место на вечната листа.

Резултати:

Кливленд – Милвоки 118:116
/Мичел 37 – Ролинс 24/

Детроит – Индијана 127:112
/Дурен 31 – Сијакам 29/

Мајами – Њујорк 115:113
/Пауел 19 – Мекбрајд 25/

Торонто – Шарлот 110:108
/Инграм 27 – Кнепел 24/

Минесота – Далас 120:96
/Рид 22 – Харди 17/

Њу Орлеанс – Оклахома 109:120
/Фирс 24 – Холмгрен 26/