Пет натпревари се одиграа во НБА во ноќта помеѓу саботата и неделата. Никола Јокиќ одигра уште еден брилијантен натпревар, но неговиот Денвер доживеа пораз на домашен терен од Сакраменто Кингс 123:128.

Првото полувреме им припадна на Денвер. Јокиќ и неговите соиграчи имаа 65:61 на паузата, што се покажа како недоволно.

Во текот на третата четвртина, Кингс вратија уште три поени, а во одлучувачките 12 минути беа подобар ривал.

Расел Вестбрук беше мотивиран, а тоа го раздвижи целиот тим на Кингс. Јокиќ практично играше сам.

Кингс ги предводеше Денис Шредер со 21 поен, три скока и седум асистенции. Вестбрук го следеше со 21 поен, шест украдени топки и 11 асистенции. Кингс имаа уште четворица кошаркари со двоцифрен број на поени – Мареј додаде 19 поени, ДеРозан 17, Лавин два помалку, а Монк 12.

Кај Денвер Јокиќ забележа 44 поени со 13 скока и седум асистенции. Тој имаше 13 од 22 шута од поле, три од шест за тројки, но имаше и две изгубени топки. Мареј додаде 23 поени со девет асистенции, Џонсон имаше 20, а Вотсон имаше 15 поени.

Денвер на овој меч беа без тројца повредени играчи од стартната петорка: Кристијан Браун, Кем Џонсон и Арон Гордон.

Денвер сега има скор од 12:4, Сакраменто е претпоследен тим на Западот. Ова беше само нивната четврта победа, со 13 порази.

Резултати:

Орландо – Њујорк 133:121
/Вагнер 37 – Бренсон 33/

Њу Орлеанс – Атланта 98:115
/Квин 20 – Порзингис 29/

Чикаго – Вашингтон 121:120
/Вучевиќ 28 – Витмор 20/

Милвоки – Детроит 116:129
/Ролинс 24 – Канингем 29/

Далас – Мемфис 96:102
/Томпсон 22 – Алдама 20/

Возачите на Мекларен, Ландо Норис и Оскар Пјастри, беа дисквалификувани од Големата награда на Лас Вегас.

Техничкиот делегат на ФИА, Џо Бауер, им пријави на стјуардите по трката, неправилности на болидите на Мекларен.

Инаку во Лас Вегас победи Макс ферстапен, кој ја искористи грешката на Норис во првата кривина, го презеде првото место и го задржа до крајот. Трката втор ја заврши Норис, а трет Џорџ Расел од Мерцедес, пред Пјастри и тимскиот колега Андреа Кими Антонели кој стартуваше од 17-то место.

Прегледот на болидите по трката покажа дека двата болида на Мекларен имале заштитни плочи кои биле девет милиметри потенки од пропишаниот минимум.

Таа информација беше проследена до стјуардите за потенцијално прекршување на Правилото 3.5.9.e, од Техничките прописи.

Според правилата, тоа е прекршок за дисквалификација, а по сослушувањето на возачите и претставникот на тимот, беше донесена таква одлука. Истата судбина ги снајде и возачите на Ферари оваа сезона, по трката во Кина.

Ова значи дека и Норис и Пјастри останаа без освоени бодови на патеката – Норис го освои второто место, а Пјастри по голема борба и казната што ја доби Антонели (пет секунди) стигна до четвртото место.

Првите десет ги комплетираа: Шарл Леклер, Карлос Саинц, Исак Хајар, Нико Хилкенберг, Луис Хамилтон, Естебан Окон и Оливер Берман.

На две трки до крајот на сезоната, пласманот за титулата сега изгледа вака:

Ландо Норис 390, Макс Ферстапен 366, Оскар Пјастри 366.

До крајот на сезоната остануваат уште две трки. Првата во Катар на 30 ноември и втората во Абу Даби на 7 декември. Норис може да стане шампион во Катар доколку освои два поени повеќе од Ферстапен и Пјастри.

Foto/ EPA

Фудбалерите на Ланус го освоија трофејот во Копа Судамерикана, јужноамриканскиот пандан на Лига Европа. Во финалето, во престолнината на Парагвај, Асуснион, аргентинскиот тим го победи Атлетико Минеиро по изведувањето пенали со 5:4. Во основниот дел и по продолженијата немаше голови.

Финалето беше далеку под просекот, од стартот беше јасна намерата на Ланус да издржи до пенал серијата. Најдобрата шанса во основниот дел ја имаше шанса преку Хулк, но неговиот удар го запре стаивата.

Во продолженијата Биел имаше ситуација „еден на еден“ во 112-та минута, но Лосада го одбрани неговиот удар. Подоцна во пенал серијата, Биел прерасна во најголемиот трагичар на ово финале, бидејќи Лосада гму го одбрани и пеналот.

Боу и Хул промашија во првата серија, Биел во четвртата, а легендата на Ланус Лаутаро Акоста не успеа да му го донесе трофејот на својот тим во петтата серија. Неговиот удар заврши високо над голот.

Конечно во седмата серија Лосада го одбрани и ударт на Витор Уго.

Голманот на Ланус е вистински херој на својот клуб и најзаслужен за вториот осовоен трофеј во ова натпреварување.

Атлетико Минеиро се претворија во лузери, точно пред една година го загубија Купот на Бразил, потоа доживеаја пораз и во Копа Либертадорес.

Foto/ EPA