Спорт
Ливерпул бара замена за Алисон, Бразилецот го пропушта Суперкупот со Челси
Повредата на голманот на Ливерпул, Бразилецот Алисон Бекер на воведниот премиерлигашки меч на европскиот првак против Норич го расипа впечатокот по одличниот старт на сезоната. Бекер ја повреди десната нога, а се уште се чекаат прогнозата за тоа колку долго еден од најдобрите голмани минатата сезона во Англија ќе паузира.
Менаџерот Јирген Клоп по мечот со Норич рече дека повредата не изгледа добро.
„Се работи за листот на ногата. Во среда секако нема да игра на Суперкупот на Европа против Челси. Тоа можам да го кажам со голема сигурност“ изјави Клоп.
Шанса да застане на голот, во отсуство на Бразилецот ќе добие неговата замена, Адриен кој стигна во тимот на последниот ден од преодниот рок, како замена за Симон Мињоле кој потпиша за Клуб Бриж.
„Адриен е добар голман, во ваква ситуација ви е потребен некој кој играч во лигата. Добар е на топка, мирен е, но не сакаме да имаме само еден подготвен голман“ – подвеле Германецот.
Овие негови зборови може да значат дека Ливерпул е во потрага по краткотрајно решение затоа што преодниот рок за купување е завршен. Како првично решение се споменува Енди Лонерган кој во текот на подготовките беше со Ливерпул, а моментно е без ангажман.
Во меѓувреме Алисон испрати порака на социјалните мрежи, порака со благодарност за поддршката:
Thank you all for the messages! Will be back as soon as possible and stronger!! ????? #YNWA
— Alisson Becker (@Alissonbecker) August 9, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Норвежанките и Германките ќе се борат за златото на СП
Женските ракометни репрезентации на Германија и Норвешка ќе се борат за титулата на Светското првенство. Германија, во полуфиналето, славеше против бранителките на титулата, репрезентативките на Франција, а Норвешка демонстрираше сила и против Холандија.
Германија по 18 години обезбеди медал на големите натпреварувања. Домаќинките на Мундијалот блескаа против Франција, славеа победа 29:23.
Антје Дол со девет, Емили Фогел со пет, Виола Летер и Аника Лот со по четири гола, односно голманката Катарина Филтер ја предводеа Германија.
Во редовите на Франција се истакнаа, Лена Грандво и Сара Букит постигнаа по пет гола.
Норвашка во второто полуфинале ја победи Холандија со 35:25. Норвежанките до мечот за титулата дојде на супериорен начин. Во текот на турнирот само Црна Гора ја победија со помалку од 10 гола.
Најефикасни во редовите на Норвешка беа Хена Рајстад со 10, Нора Мерк со пет, Тале Деила, Марен Ниланд и Аникен Вилик со по три гола. Холандија ја предводеа Дионе Хушер и Еставана Полман постигнаа по шест.
Финалето е на програмата в недела.
Foto/ EPA
Спорт
Партизан од -16 до победа во вечното дерби, Фенер од -17 до триумф во Монако
Кошаркарите на Партизан ја победија Црвена звезда во првото „вечно“ дерби оваа сезона, откако надоместија негатива од 16 поени.
Партизан ја победи Звезда во 15-то коло од Евролигата со 79:76 (15:18, 20:21, 14:21, 30:16).
Ова беше прва победа на црно-белите над црвено-белите оваа сезона, а втора по ред во Евролигата и трета во три натпревари од заминувањето на Жељко Обрадовиќ.
Партизан сега има скор од 6-9, додека Звезда го претрпе вториот пораз во низа во и има скор од 9-6.
Што се однесува до историските податоци, Партизан сега има +12 во „вечните“ дербија.
Црвена звезда го контролираше натпреварот 35 минути. Благодарение на Нвора, кој постигна 13 поени во третиот период, ја стекнаа највисоката предност од 16 поени. Партизан започна да се враќа во мечот во решавачката четвртина, преку Вашинтон и Бонга.
На две минути до крајот Партизан дојде до предност (73:71), прва по предноста 7:6 на почетокот на натпреварот. На крајот до беше доволно за триумф на црно-белите.
Најдобри во победничкиот тим беа Вашингтон со 25 поени, Бонга со 16 поени и 11 скока и Тајрик Џонс со 15 поени и осум скока.
На спротивната страна, Батлер и Нвора постигнаа по 20 поени.
Сличен пресврт направи и европскиот првак Фенербахче. Во реприза на финалето од минатата сезона, Фенербахче се врати по негативата од 17 поени и славеше во Монако со 92:86.
Тејлер Хортон-Такер го заврши натпреварот со 24 поени и 4 скока, со важна улога во одбраната, што му овозможи на турскиот клуб да ја фати приклучок на почетокот од четвртата четвртина.
Плејмејкерот Вејд Болдвин (12 поени, 4 скока, 7 асистенции), центарот Кам Берч (15 поени, 7 скока), бекот Девон Хол (13 поени, 3 скока, 2 асистенции и украдени топки), крилото Бонзи Колсон (10 поени, 5 скока) и крилниот центар Николо Мели (9 поени, 10 скока, 3 асистенции, 2 украдени топки) исто така придонесоа за победата.
Кај Монако се истакнаа Мајк Џејмс (20 поени, 3 скока и асистенции), Алфа Дијало (18 поени, 4 украдени топки) и Никола Миротиќ (11 поени, 7 скока, 6 асистенции).
Foto/ Luka Milosavljevic/STARSPORT
Спорт
Блажевски бронзен на ЕП до 21 година во таеквондо
Филип Блажевски од таеквондо клубот Бутел, вечерва во Приштина, оствари голем успех. Блажевски освои бронзен медал на Европското првенство до 21 година.
На патот до медалот, Блажевски, забележа три победи и пораз. Славеше со 2:0 над Манита Александру од Молдавија и Олександар Јефимов од Украина, односно со 2:1 го победи Ајман Бари од Франција.
Доживеа пораз од Хрватот Оскар Ковачиќ, што му беше довлно да го освои бронзениот медал.

