„Ферари“ првпат потврди дека преговарал со Луис Хамилтон за шесткратниот Ф1 шампион да се приклучи на славниот италијански тим од 2021 година.

Договорот на Британецот од 40 милиони фунти годишно со „Мерцедес“ завршува на крајот на следната сезона, и при финишот на овогодишната сезона се зголемија шпекулациите дека Хамилтон е подготвен за трансфер и се тврдеше дека тој двапати се сретнал со претседателот на Ферари, Џон Елкан.

Извршниот директор на Ферари, Луис Камилери, призна дека имало првични контакти за еден од најголемите трансфери во историјата на Ф1.

„Веќе стана јавно дека Луис разговараше со нашиот претседател. Поласкани сме што возач како Луис би сакал да вози за нас. Тоа докажува дека секој Ф1 возач би сакал да вози Ферари. Имаме долгорочен договор со еден од нашите возачи (Шарл Леклер), а со другиот возач (Себастијан Фетел) договорот завршува на крајот на 2020. Сега е прерано да носиме одлуки, а кога ќе дојде време ќе ја направиме најдобрата одлука за тимот“, вели Камилери.

Хамилтон, кој следниот месец полни 35 години, најави дека иднината во Ф1 зависи од тоа дали шефот на Мерцедес, Тото Волф ќе остане на позицијата, бидејќи Австриецот е главен кандидат за првото место во Ф1.

Фиорентина потврди дека Франк Рибери мора да оди на операција за „стабилизирање“ на скочниот зглоб и останува да се види колку францускиот ветеран ќе биде во аут.

„Франк беше на проверка денеска за да се утврди причината за болката која ја чувствува кога има одредени движење. За да може да се врати на теренот најбргу што може, ќе биде комплетирана мала операција“, велат од Фиорентина.

Рибери има 2 гола и 2 асистенции во 11 меча во Серија А оваа сезона, во која во последно време воопшто не му оди на тимот од Фиренца. Тој имаше лошо превитукување на ногата на 1 декември и веќе пропушти два меча.

Фудбалерите на шпанскиот третолигаш Арандина, Раул Калво (21 година), Карлос Квадрадо (26 години) и Виктор Родригез (24 години) добија по 38 години затвор откако беа прогласени за виновни во случајот со силување на 15-годишно девојче во 2017 година.

Девојката, чие име не е објавено, го пријавила случајот на полицијата откако била поканета во станот во кој живееле тројцата фудбалери. Таа била проморана да се соблекува и да има секс со играчите, кои инсистираа дека ова не е точно и дека немало сексуални односи.

Судењето во Шпанија се одвиваше зад затворени врати за да се спречи контакт меѓу обвинетите и жрвтвата и нејзиното семејство. Судот одлучи дека фудбалерите знаеле дека девојката е малолетна и затоа им досуди толку висока казна. Фудбалерите, кои веднаш добија отказ од клубот, се очекува дека ќе се жалат на одлуката.

Se llaman Carlos Cuadrado, Vity Ramos y Raúl Calvo. Son los tres violadores del Arandina. Violaron a una niña de 15 años que no tenía capacidad de consentir, porque no tenía los 16 años necesarios para hacerlo. Punto y pelota. Y no cumpliran en prisión ni la mitad de la condena. pic.twitter.com/YIa8VRP4v5

— Alma Guisante ۞ (@almaguisante) December 12, 2019