Спорт

Рашфорд му го „расипа“ враќањето на Мурињо во Манчестер, Челси и Лестер со нови победи (видео)

Објавено пред

8 месеци

- 4 декември, 2019

Од

Маркус Рашфорд постигна два гола, имаше една статива и ги предводеше Манчестер јунајтед до 2:1 победа над Тотенхем во дуелот од 15. коло од Премиер лигата, во меч кој беше прв за Жозе Мурињо на „Олд Трафорд“ како тренер на друг тим по отпуштањето минатиот декември.

„Ѓаволите“ почнаа многу порасположено во првото полувреме и уште во шестата минута Рашфорд со убав гол им донесе предност од 1:0, но откако промашија неколку одлични шанси против релативно слабите Тотенхем, казната ги стигна во 39. минута, кога Деле Али го продолжи „препородот“ под Мурињо и го постигна четвртиот гол во четири меча по лошата интервенција на одбраната на Јунајтед.

Сепак, Рашфорд повторно доби шанса да ги донесе домаќините во водство во 49. минута, кога беше досуден пенал за Јунајтед и тој сигурно го совлада Газанига.

Со трите поени, Јунајтед се искачија на шестото место на табелата со 21 поен, додека Тотенхем се осми со 20 поени.

Враќање во „својот „клуб“ имаше и Џон Тери, како помошник тренер на Астон вила на „Стемфорд бриџ“ на дуелот со клубот каде што беше капитен, Челси, пресметка која на крајот ја добија „сините“ со 2:1.

Теми Абрахам во 24. минута донесе водство за Челси, но Вила успеа да израмни во финишот на првото полувреме преку Трезеге, пред Мејсон Маунт, по асистенција на Абрахам да ги постави конечните 2:1 на почетокот на второто полувреме.

Лестер се намачи, но стигна до 11. победа оваа сезона со која се врати на второто место на табелата, откако со 2:0 ги совладаа последнопласираните Ватфорд со гол од пенал на Џејми Варди и со уште еден гол во 95. минута на Џејмс Медисон.

ПРЕМИЕР ЛИГА, 15.КОЛО

Челси – Астон вила 2:1

Лестер – Ватфорд 2:0

Манчестер јунајтед – Тотенхем 2:1

Саутемптон – Норич 2:1

Вулверхемптон – Вест хем 1:0

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Ливерпул „издоминира“ во Мерсисајд дербито (видео)

Претходно

И на СП во Катар во 2022 преку Лигата на нации

Спорт

Бајндер со спектакуларна победа во својата трета Мото ГП трка!

Објавено пред

1 час

- 9 август, 2020

Од

TopSport.mk

Јужноафриканскиот дебитант во Мото ГП класата, Бред Бајндер имаше трка од соништата за да триумфира на Чешкото ГП во Брно, во само третата трка во елитната класа, триумфирајќи пред Франко Морбидели (за кого ова е деби подиум) и освојувачот на пол-позицијата, Жоан Зарко.

Во отсуство на светскиот шампион, Марк Маркез, кој е во аут по втората операција на своето рамо, Зарко не успеа да ја заддржи пол-позицијта на стартот, откако Морбидели го помина на првата кривина, а зад него, Бајндер се искачи на четвртото место поминувајќи го колегата од КТМ, Пол Еспархаро.

Бајндер бргу успеа да ги помине и Алеш Еспархаро на третото место и Квартаро на третото место, пред на девет круга пред крајот да го помине и Морбидели и потоа ја оддржуваше разликата до крајот на трката на фантастични три секунди. Во меѓувреме, Фабио Квартаро, победникот на првите две трки во Херез, откако се мачеше со гумите, падна на седмото место на трката.

Четвртото место му припадна на Алекс Ринс, пред „докторот“ Роси и Оливеира, а во топ 10 беа и Накагами, Милер и Алеш Еспархаро , додека Андреа Довициозо продолжи со слабите трки за Дукати со 11. место.

Покрај деби победата за Бајндер, ова е и прва победа на австрискиот производител КТМ во елитната класа на Мото ГП шампионатот.

🚥 LIGHTS OUT AT BRNO! 🚥@FabioQ20 launches off the line as @JohannZarco1 goes backwards! 👀#CzechGP 🇨🇿 pic.twitter.com/WuWpk7LyAI
— MotoGP™🏁 (@MotoGP) August 9, 2020

Dream opening lap for @FrankyMorbido12! 🙌@AleixEspargaro is holding @FabioQ20 back! 👊#CzechGP 🇨🇿 pic.twitter.com/MsRKbeOx0q
— MotoGP™🏁 (@MotoGP) August 9, 2020

We can’t quite believe we’re saying this… 🙌@BradBinder_41 LEADS!!! 🔥🔥🔥#CzechGP 🇨🇿 pic.twitter.com/M4xrBp2MQ0
— MotoGP™🏁 (@MotoGP) August 9, 2020

Appropriately, younger brother @DarrynBinder40 is straight out to congratulate @BradBinder_41! 👏
WHAT A VICTORY! 🥇#Bradical | #CzechGP 🇨🇿 pic.twitter.com/AIcYcSamxA
— MotoGP™🏁 (@MotoGP) August 9, 2020

Прикажи повеќе...

Спорт

Роналдо, сепак, почнал преговори со Пари Сен-Жермен?

Објавено пред

2 часа

- 9 август, 2020

Од

TopSport.mk

И покрај првичните деманти од Пари Сен-Жермен, Кристијано Роналдо му порачал на својот агент, Жорге Мендеш да продолжи со преговорите со францускиот гигант, разочаран од елиминацијата на Јувентус од Лион во осминафиналето на Лигата на шампионите, јавува францускиот „Футмеркато“.

Елиминацијата на Јуве веќе донесе смена на тренерот на италијанскиот клуб, откако Андреа Пирло го смени Маурицио Сари, а најавите од Италија се дека ќе се прави „ремонт“ на тимот со дури 10 фудбалери на продажба.

Роналдо по елиминацијата даде изјава во обид да се „збијат редовите“ во италијанскиот клуб.

„Огромен клуб како Јувентус секогаш мора да размислува како најдобрите на светот, да работи со најдобрите на светот за да можеме да се наречеме најдобар и најголем клуб на светот. Фановите бараат повеќе од нас. И мора да го оствариме тоа“, изјави Роналдо.

Но, по втора сезона разочарувања во европските натпреварувања по минатогодишната елиминација од Ајакс, 35-годишниот Роналдо сигурно сака да биде во клуб каде што може да биде ривал за своето омилено натпреварување. Останува да видиме дали има вистина во овие шпекулации.

Прикажи повеќе...

Спорт

ЛШ тест за Силекс против азербејџанскиот Карабаг

Објавено пред

3 часа

- 9 август, 2020

Од

TopSport.mk

Финансиски моќниот азербејџански клуб Карабаг ќе биде противник на македонскиот претставник во првото квалификациско коло на Лигата на шампионите и ќе претставува вистински подвиг клубот од Кратово да се пласира во наредното коло.

Поради корона вирусот, наместо два меча, дома и на гости, ќе се игра само еден меч на 18 или 19 август. Победниците влегуваат во второто квалификациско коло, додека поразените влегуваат во второто квалификациско коло на Лига Европа.

Карабаг е клуб формиран во 1987 година, а од 1992 година се членови на Премиер лигата на Азербејџан, и следната година ја освојуваат првата од своите осум национални титули. Карабаг е официјално домаќин во Агдам, град кој се наоѓа под окупација на Ерменија по војната во Нагорно Карабах, и своите мечеви ги игра во престолнината Баку. Тие имаат седум азербејџански титули во низа и во 2017 година играа во натпреварите по групи во Лигата на шампиони.

ЛШ, 1.КВАЛИФИКАЦИСКО КОЛО, 18/19 АВГУСТ

КАРАБАГ (Азе) – СИЛЕКС (Мкд)

Ференцварош (Унг) – Ѓургарден (Шве)

Селтик (Шко) – КР Рејкјавик (Исл)

Легија Варшава (Пол) – Дрита (Кос)/Линфилд (СИр)

Шериф (Мол) – Фола Еш (Лук)

Конахс Квеј (Вел) – Сараево (БиХ)

Црвена звезда (Срб) – Еуропа (Гиб)

Будуќност Подгорица (ЦГо) – Лудогорец (Буг)

Арарат-Арменија (Ерм) – Омонија (Кип)

Флоријана (Мал) – ЦФР Клуж (Ром)

Макаби Тел-Авив (Изр) – Рига (Лет)