Драган Стојковиќ-Пикси официјално е менуван за селектор на фудбалската репрезентација на Србија. Пикси потпишал три годишен договор, треба да ја предводи Србија до крајот на квалификацискиот циклус за пласман на Европското првенство во 2024 година.

Легендарниот фудбалер, денес го слави 56 роденден и на промоцијата реколд дека подобар подарок не можел да добие.

„Знам каква е одговорноста, но во исто време верувам во мојот и во квалитетите на моите соработници. Верувам и во големиот потенцијал со кој располага репрезентацијата. Исто така ја чувствувам поддршката и од јавноста, која ќе ни биде потребна за да ги оствариме нашите цели. Квалификациите ќе започнат за три недели, започнавме со подготовките, ги анализираме противниците. Првите два противника се исклучително тешки, реално тие се нашите главни ривали за првите две места во групата“, рекол Стојковиќ.

Поранешниот тренер на Нагоја и Гвангжу, ќе дебитира на 24.март против Република Ирска, три дена подоцна Србија ќе игра против Португалија, а на 30.март ќе гостува во Азербејџан.

Пикси на селекторската функција го наследи Љубиша Тумбаковиќ, кој доби отказ откако не успеа да избори пласман на Европското првенство.

Интер се наоѓа во тешка финансиска ситуација. Дека тоа е така покажува и информацијата која ја објави „Ил Кориере“, дека клубот од Милано, за трансферот на Ромелу Лукаку досега на Манчестер јунајтед им платил само 24 милиони евра.

Ромелу Лукаку, во летниот преоден рок во 2019 година, од Манчестер јунајтед се пресели во Интер. Клубовите се договорија Интер да плати 74 милиони евра за белгискиот напаѓач.

Две години подоцна, во Јунајтед откриле дека Интер досега им платиле само 24 милиони евра.

На „Олд Трафорд“, имаат план како да го наплатат долгот. Ед Вудворд, спортскиот директор, побарал Интер да им го испрати Милан Шкринијар или пак Лаутаро Мартинез за да го покрие долгот.

Интер наскоро ќе се огласи во јавноста по ова барање од Манчестер.

Инаку, Ромелу Лукаку, игра во неверојатна форма во Интер. За 18 месеци одиграл 82 натпревари, постигнал 58 голови и забележал 12 асистенции.

Фудбалскиот клуб Арсенал, по завршувањето на сезоната, ќе ги разгледа понудите за францускиот напаѓач, Александар Лаказет. Доколку на „Емирејтс“ добијат добра понуда, тогаш Лаказет ќе може да го напушти клубот.

Александар Лаказет има договор со Арсенал до јуни 2022 година. Овој напаѓач според „Трансфермаркт“ на фудбалскиот пазар има вредност од 35 милиони евра.

„Фудбал Лондон“, тврди дека сериозен интерес за Лаказет покажува Монако.

Лаказет, сезонава има одиграно 30 натпревари, постигнал 11 голови и забележал три асистенции.