Спорт

Англиска цензура за Јирген Клоп

Објавено пред

2 месеци

- 23 ноември, 2020

Од

Ливерпул, без комплетната одбрана, без капитенот и најдобриот стрелец, синоќа успеа да забележи убедлива победа над Лестер (3:0). „Црвените“, заедно со Тотенхем, се лидери во Премиер лигата.

По натпреварот, Јирген Клоп, имал монолог, кој бил вперен кон телевизиските куќи. Менаџерот на Ливерпул е огорчен од бројот на повредите со кои се соочува неговиот, но и другите клубови. Тој смета дека распоредот е пренатрупан. Виновници, според него, се носителите на телевизиските права. Телевизиите инсистирале да се играат сите натпревари и натпреварувањата на клубовите и репрезентациите.

Клоп во изјавата за „Скај спорт“ директно ги посочил „БТ спорт“. Неговиот монолог не можеле да го видат гледачите во Англија. Неговите зборови допреле до светот благодарение на американската телевизија Ен-би-си.

„Знам дека ТВ-куќите не се грижат за тоа, тоа е проблемот. Доколку не се договорите вие и „БТ спорт“, ние сме готови. Доколку продолжиме да играме в среда и в четврток навечер во европските и репрезентативните натпреварувања, а потоа в сабота и в недела на пладне во Премиер лигата, не сум сигурен дека сезоната ќе ја завршиме со 11 здрави фудбалери. Знам дека се грижите за ова и тоа е проблем“, рекол Клоп.

Тој не ја исклучува можноста, сегашната состојба да остави долгорочни последици по фудбалот.

„Ова не го зборувам само во името на Ливерпул, туку и во името на сите фудбалери. Зборувам во името на играчите што треба да ја претставуваат Англија на Европското првенство. Чинам дека викендов се повреди Сака во Премиер лигата, тој претходно во една недела одигра три натпревари за Англија“.

„Ни зборуваат да ги ротираме играчите. Кои играчи? Само деца ни останаа“, рекол огорчениот Клоп.

На крајот открил што е она што најмногу му пречи.

„Доколку некој уште еднаш ми ги спомне ТВ-правата, тогаш навистина ќе полудам. Треба да се почитуваат потпишаните договори со ТВ-куќите, но тие не се направени, ниту потпишани за корона-сезона. Мораме да се приспособиме на новата ситуација. Зборуваме со маски, животот се смени, не се сменија само договорите со телевизиите. На секој приговор тие одговараат: ‘Тоа е наше, нема да отстапиме’. Молам?“, го завршил монологот Клоп, кој бил цензуриран во најголем дел од планетата.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Полицијата ги истражува заканите кон Алиоски и Пепе

Претходно

Ливерпул остана и без Наби Кеита

Спорт

Артета за Озил: Беше важен играч за Арсенал, но не играше

Објавено пред

47 минути

- 21 јануари, 2021

Од

TopSport.mk

Менаџерот на Арсенал, Микел Артета, прв пат се огласи во јавноста по заминувањето на Месут Озил. Шпанецот смета дека спогодбениот раскин на договор бил најдобра опција за фудбалерот и клубот. Озил, кариерата ќе ја продолжи во Фенербахче.

Десет месеци, Озил, беше во немилост кај тренерот Артета, кој на почетокот на новата сезона не го пријави за настап во Премиер лигата и Лига Европа. Јасно е дека по седум и пол години и четири освоени трофеи во ФА купот, разделбата на Озил со клубот не беше пријателска.

„Од многу причини ситуацијата беше тешка. Позната е историјата на неговиот случај. Како почна и како се одвиваше. Тој беше исклучително важен играч за Арсенал, играч со големо влијание, но не играше и не беше со тимот. Тоа беше тешко за двете страни. Сакаша да игра, а ние не можевме да му го овозможиме тоа. Само на ваков начин можеше да биде решена целата ситуација“, рекол Артета.

Фенербахче е петтиот клуб во кариерата на Озил. Светскиот првак со Германија, претходно настапуваше за Шалке, Вердер и Реал Мадрид.

Прикажи повеќе...

Спорт

Аргентинец ќе го наследи Зидан

Објавено пред

2 часа

- 21 јануари, 2021

Од

TopSport.mk

Позициите на Зинедин Зидан во Реал Мадрид се сериозно разнишани по синоќешната сензационална елиминација од Алкојан, во Купот на Шпанија. Реал и со играч повеќе на теренот не успеа да го елиминира членот на Терцера.

„Марка“, медиум кој секогаш е добро информиран за случувањата на „Сантијаго Бернабеу“, тврди дека Зидан ќе замине по завршувањето на сезоната, иако во текстот не се исклучува можноста тој да добие отказ и во текот на сезоната, доколку тимот не успее да го врати на вистинскиот курс.

Аргентинските медиуми, пишуваат дека наследникот на Зидан ќе пристигне од Јужна Америка. Станува збор за најдобриот тренер на овој континент, Марсело Гаљардо. Од 2014 година, Гаљардо, со Ривер Плејт, два пати го освои Копа Либертадорес.

Гаљардо како тренер работел и во Национал од Монтевидео. Кариерата како играч ја градел во Ривер, Ди-си јунајтед, ПСЖ и Монако.

Прикажи повеќе...

Спорт

Кристал палас го потврди трансферот на Матета

Објавено пред

3 часа

- 21 јануари, 2021

Од

TopSport.mk

Кристал палас на социјалните мрежи го потврди трансферот на напаѓачот Жан-Филип Матета.

Фудбалерот, реден во 1997 година, кариерата ја почнал во Шатору, а потоа играл за Ле Авр и Лион. Матета во Кристал палас пристигна од Мајнц. Со клубот од Лондон тој потпишал договор до јуни 2022 година.

Кристал палас не објави финансиски детали од трансферот.