Спорт
Ливерпул со моќна победа на „Стемфорд бриџ“, Арсенал со луд пресврт против Вила (видео)
Ливерпул го заддржа стоотстотниот учинок во Премиер лигата, откако успеа да изддржи за 2:1 победа на гости кај Челси, додека Арсенал се намачи со 10 играчи да стигне до 3:2 победа против новиот премиерлигаш Астон вила.
„Црвените“ ја забележаа својата шеста победа во исто толку кола во новата сезона, заддржувајќи ја предноста од дури пет поени пред Манчестер сити, кои вчера го декласираа Норич (8:0) за да покажат дека не се откажуваат од трката.
Работите не изгледаа добро за тимот на Френк Лампард во првите половина час од мечот, откако прво Трент Александер-Арнолд во 14. минута од мечот, а потоа и Роберто Фирмино по половина час игра успеаја да го совладаат Кепа Аризабалага за удобно 2:0 водство на полувреме.
Сепак, „сините“ не се откажаа и играа посебно напаѓачки во второто полувреме и Н’Голо Канте во 74. минута со убав пробив успеа да намали на 1:2. И покрај обидите до крајот на мечот да стигнат барем до поен, на крајот „црвените“ си заминаа со цел плен.
На „Емирати“ пак, Џон Меккгин во 20. минута ги донесе Астон вила во водство, поставувајќи притисок на тимот на Унаи Емери, кој се зголеми во 41. минута, кога Ејнсли Мејтланд-Најлс доби втор жолт картон и ги остави „топчиите“ со играч помалку.
Сепак, Арсенал успеа да израмни со гол од пенал на Пепе во 59. минута од мечот, пред Вила повторно да дојде до водство во следниот напад преку Веслеј. Сепак, за разлика од многу мечеви оваа сезона, „топчиите“ покажаа срце и со головите на Калам Чејмберс во 84. минута и на Пјер-Емерик Обамејанг четири минути подоцна стигнаа до третата победа оваа сезона, но прва по три меча.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.