Спорт
Љубичиќ: Преименувајте го „Филип Шартие“ во „Рафаел Надал“

Поранешниот хрватски тенисер, а сега тренер и советник на Роџер Федерер, Иван Љубичиќ вели дека организаторите на Ролан Гарос не направиле доволно да се одбележи големината на Рафаел Надал и дека една статуа не е доволна, туку централниот терен во Париз, „Филип Шартие“ треба да го носи името на шпанскиот тенисер.
Надал вчера стигна до својата 14. титула од Ролан Гарос и вкупно 22. гренд слем титула, запишувајќи се во историјата како најуспешен тенисер на сите времиња.
„Малку тенисери воопшто играле 14 турнири на Ролан Гарос. Тој го освои 14 пати. Нема зборови да се опише ова остварување. Мислам дека стариот добар Филип нема да се лути ако неговиот терен го носи името на Рафаел Надал – статуа не е доволна“, напиша Љубичиќ на Твитер.
Not many PLAYED 14 @rolandgarros tournaments. He won it 14 times. There is no word to describe this feat. Don't think good old Phillippe would mind if his court changes the name to Rafael Nadal – statue is not enough
— Ivan Ljubicic (@theljubicic) June 5, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Медисон ја пропушта целата сезона?

Лоши вести за Тотенхем. Повредата на Џејмс Медисон е сериозна и тој ќе биде надвор од терените долго време.
Креативниот играч од средниот ред се повреди на пријателскиот натпревар против Њукасл (1:1) во Јужна Кореја.
Во прашање се вкрстените лигаменти на десното колено. Според првите информации, тој сигурно ќе го пропушти поголемиот дел од сезоната, а можеби и целата сезона.
Минатата сезона Медисон забележа дабл-дабл од 12 гола и 11 асистенции.
Фото/ Принскрин
Спорт
Душан Тадиќ се договорил со Ал Вахда

Душан Тадиќ, во текот на преодниот рок се поврзуваше со Атлетико Мадрид и Црвена звезда, кариерата ќе ја продолжи во Обединетите Арапски Емирати.
Поранешниот играч на Фенербахче ќе биде член на Ал Вахда во следните две години, односно договорот ќе биде потпишан на една плус една година.
Минатата сезона, Ал Вахда заврши на третото место, што беше разочарувачки резултат, па затоа почнаа да го обновуваат тимот. Го ангажираа португалскиот стручњак Жозе Мораиш, а планот очигледно е Тадиќ да биде првата ѕвезда во кампањата за титулата.
Фото/ Принскрин
Спорт
Најскапиот играч во историјата на Сити ќе го напушти клубот

Најскапото засилување во историјата на Манчестер сити, играчот од средниот ред Џек Грилиш (29), би можел да ја оживее својата кариера во Евертон, објавија британските медиуми. Тренерот на Евертон, Дејвид Мојес, многу го почитува Грилиш и би сакал да го има во своите редови.
Евертон, кој оваа година се пресели на нов стадион вреден 900 милиони евра, би сакал да го откупи договорот на Грилиш доколку цената е прифатлива. Сепак, се разгледува и едногодишна позајмица.
Грилиш ангажирал личен тренер и сака да се врати во англиската репрезентација, но тоа не е можно додека Гвардиола е на чело на Сити. Затоа Грилиш сака да го напушти клубот.
Еден од најдобрите англиски дриблери пристигна во Манчестер сити пред четири години од Астон Вила во трансфер вреден 117 милиони евра. Неговиот договор со Сити истекува во јуни 2027 година, а тој заработува дури 18 милиони евра годишно. Во Сити, само норвешкиот Ерлинг Халанд има поголема плата од него, околу 30 милиони евра.
Грилиш од стандарден играч во првиот тим на Сити стана играч од клупата, па затоа беше во почетниот состав само еднаш во Премиер лигата минатата сезона. Тој одигра 39 натпревари за англиската репрезентација и запиша четири гола и осум асистенции.