Спорт
ЛН: Белгијците ги „нокаутираа“ Англичаните, Италија на чекор од првото место
Белгија за 24 минути ги „суреди“ Англичаните, стигнувајќи до 2:0 победа со која „трите лава“ веќе немаат шанси да се пласираат на фајнал фор турнирот во Лигата на нации. Италија ја заддржа шансата за првото место по 2:0 победата над Полска, додека во Лига Ц, Грција и Словенија поставија директна пресметка за влез во Лига Б.
Во Левен, Белгијците дојдоа во водство уште во 10-тата минута со ударот од далечина на Јан Тилеманс, пред во 24. минута, Дрис Мертенс, фудбалерот на Наполи, кој е роден во градот, постигна фантастичен гол од слободен удар за 2:0 водство.
Со победата, Белгијците се одвоија на првото место на табелата во групата А со 12 поени, а победата со два пенали на Данска од 2:1 над Исланд, значи дека Белгија и Данска ќе играат за првото место, додека Англичаните ги загубија шансите за пласман на фајнал фор турнирот.
На „Мапеи“, Италија стигна до 2:0 победа на Полска за враќање на првото место на табелата во групата 1, за сега да им треба победа на гости кај Босна и Херцеговина за фајнал фор. Жоргињо ги донесе „аѕурите“ во водство во 27. минута од пенал, пред Доменико Берарди во 84. минута да ја потврди победата.
УЕФА ЛИГА НА НАЦИИ
ЛИГА А, ГРУПА 1
Италија – Полска 2:0
Табела: 1.Италија 9, 2.Холандија 8, 3.Полска 7, 4.БиХ 2
ЛИГА А, ГРУПА 2
Белгија – Англија 2:0
Данска – Исланд 2:1
Табела: 1.Белгија 12, 2.Данска 10, 3.Англија 7, 4.Исланд 0
ЛИГА Б, ГРУПА 1
Австрија – Северна Ирска 2:1
Романија – Норвешка одложено
Табела: 1.Австрија 12, 2.Норвешка 9, 3.Романија 4, 4.С.Ирска 2
ЛИГА Б, ГРУПА 2
Чешка – Израел 1:0
Табела: 1.Шкотска 10, 2.Чешка 9, 3.Израел 5, 4.Словачка 4
ЛИГА Б, ГРУПА 3
Унгарија – Србија 1:1
Табела: 1.Русија 8, 2.Унгарија 8, 3.Турција 6, 4.Србија 3
ЛИГА Ц, ГРУПА 3
Молдавија – Грција 0:2
Словенија – Косово 2:1
Табела: 1.Словенија 13, 2.Грција 11, 3.Косово 2, 4.Молдавија 1
БЕЛГИЈА – АНГЛИЈА
ИТАЛИЈА – ПОЛСКА
ДАНСКА – ИСЛАНД
УНГАРИЈА – СРБИЈА
АВСТРИЈА – С.ИРСКА
МОЛДАВИЈА – ГРЦИЈА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дали е Баерн оштетен во последните секунди од натпреварот?
Фудбалерите на Реал Мадрид се пласираа во финалето на Лигата на шампионите каде на 1.јуни за титулата ќе се борат со Борусија Дортмунд.
Вечерва на „Сантијаго Бернабеу“, Реал повторно режираше нестварен пресврт и со головите на Хоселу во 88. и 91.минута го победи Баерн со 2:1.
Сепак, сенка на феноменалното полуфинале фрли помошникот на Симон Марчињак, Томаш Листкиевич, кој во последната минута од судиското надополнување реши да го прекине нападот на Баварците поради дискутабилен офсајд.
Во последните секунди Де Лихт погоди по додавањето на Милер, но помошникот во ситуацојата која беше „тесна“ реши да го крене знамецето.
Протоколот предвидува линискиот судија да ја остави акцијата да заврши, за доколку е постигнат гол, подоцна со помош на ВАР да се утврди дали голот бил регуларен или не.
Овде судијата не го направи тоа, па фудбалерите на Баерн, но и тренерот Томас Тухел целосно ги загубија нервите.
Спорт
Олимпијакос е последниот патник на завршниот турнир – Грците ја добија мајсторката во Барселона
Кошаркарите на Олимпијакос ја совладаа Барселона, во мајсторката одиграна во Каталонија со 63:59 и се пласираа на завршниот турнир во Евролигата, кој ќе се одржи од 24-26. ќе се одржи во Берлин во мај.
Грчкиот тим, кој вторпат победи на гостински терен во четвртфиналната серија со Барса, на тој начин им се придружи на Реал Мадрид, Панатинаикос и Фенербахче кои претходно се пласираа во Берлин.
Избраниците на Јоргос Баркокас трета година по ред се пласираа на завршниот турнир во Евролигата.
Претходната година беа поразени во финалето од Реал, а годината претходно беа елиминирани во полуфиналето од Анадолу Ефес кој подцна ја освои титулата.
Ривал на Олимпијакос во полуфиналето ќе биде Реал и тоа ќе биде реприза на финалето од минатата сезона од Каунас.
Вечерва во Блауграна, двата тима одиграа исклучително тврд и дисциплиниран натпревар во кој доминираа одбраните.
Олимпијакос во сердишницата од решевачката четвртина со серија поени и добра одбрана со која ги затворија сите патишта до нивниот обрач направија клучен исчекор кон победата.
Серијата од 8:0 во тој налет се покажа како клучна.
Две тројки постигнаа гостите во тој интервал, по една Мекисик и Папаниколау.
Барса, не се предаде, а пропушти одлична можност да го израмни резултатот кога Грците водеа со 57:54. Потоа Абрињес го повлече нападот, но Мекисик му ја „украде“ топката за во продолжение Милутинов да остане сам во рекетото на противникот и со забицвање да ја запечати победата на Олимпијакос.
Српскиот центар го заврши мечот со 10 поени (4/5 за два, 2/4 слободни фрлања), 10 скокови, две асистенции и блокада за убедливо највисок индекс на корисност 26 за 25 минути на теренот, Мекисик постигна 12. (2/4 за три), Папаниколау 11 (3/6 за три).
Само Лапровитола со 17 (3/8 за два, 2/7 за три) со седум скока и четир асистенции и Алекс Абринес со 13 поени (3/3 за два, 2/5 за три) во Барселона постигнаа двоцифрен број на поени.
Спорт
(Видео) Хоселу го реши трилерот во Мадрид – Реал е во финалето на ЛШ
Реал Мадрид 18.пат во клупската историја ќе се бори за трофејот во Купо/Лигата на шампионите. Вечерва на „Сантијаго Бернабеу“ во инфаркт завршница го победи Баерн со 2:1. Апсолутен херој на Реал е искусниот напаѓач Хоселу, кој со головите во 88. и 91.минута направи пресврт, откако Баерн поведе со голот на Дејвис во 68.минута.
Фудбалерите на Баерн беа на само неколку минути до финалето. Поведоа со спектакуларниот гол на Алфонс Дејвис и водеа до самиот крај на натпреварот, сепак, избраниците на Карло Анчелоти по којзнае кој пат покажаа сила и одлучност да се вратат „од мртвите“ и со голем пресврт да дојдат до победата.
Јунак на натпреварот беше Хоселу, тој влезе во игра во 81. минута и ги постигна двата гола за „кралскиот клуб“. Трагичар е голманот на Баерн, Мануел Ноер. Бранеше брилијантно во текот на целиот меч, но со груба грешка им го подари израмнувачкиот гол на фудбалерите на Реал.
Реал во финалето ќе игра против Борусија Дортмунд, која во два натпревари со вкупни 2:0 го елиминира ПСЖ.
Реал Мадрид е убедливо најуспешен клуб со рекордни 14 титули европски шампион. Борисија само еднаш ја освои Лигата на шампионите, во 1997 година, кога како аутсајдер го победи и Јувентус (3:1) во Минхен.