Спорт
ЛН: Ерменците со голема победа во Грузија, Вајналдум донесе победа за Холандија

Ерменија со 2:1 на гости ја совлада Грузија во претпоследното коло од Лигата на нации за да обезбедат пресметката со Македонија во среда да биде директен дуел за тоа кој ќе се пласира во Лига Б следната сезона.
Друг следен противник на Македонија, овојпат на ЕП следната година, Холандија со 3:1 ја совладаа Босна и Херцеговина за да останат во игра за пласман на фајнал фор турнирот во натпреварувањето на УЕФА.
Геворг Гавазјан им донесе водство на Ерменците во Батуми во 33. минута, но домаќините успеаја да израмнат со гол од пенал преку Вако во 65. минута, пред напаѓачот на Хофенхајм, Саргис Адамјан во 86. минута да обезбеди победа за гостите. Овој резултат значи дека Ерменците можат да не „изместат“ од првото место во групата 2 со победа во Кипар во среда, додека на нас ни е потребно само реми за да влеземе во Лига Б.
Холандија со двата гола на Џиџио Вајналдум и со голот на Мемфис Депај стигна до 3:1 победа над Босна и Херцеговина, за да се искачи на првото место во тесната група 1 во Лига А, каде што вечерва играат Италија и Полска.
Во Лига Б, Финска со 2:1 ја совлада Бугарија на гости, за да обезбеди директен дуел со Велс за пласман во елитната Лига А, додека Турција ги искомпликува работите во групата 3 по 3:2 победата над Русите. Белорусија и Албанија исто така ќе имаат директна пресметка за влез во Лига Ц по лесните победи.
УЕФА ЛИГА НА НАЦИИ
ЛИГА А, ГРУПА 1
Холандија – Босна и Херцеговина 3:1
Италија – Полска 20.45 ч.
Табела: 1.Холандија 8, 2.Полска 7, 3.Италија 6, 4.БиХ 2
ЛИГА Б, ГРУПА 3
Турција – Русија 3:2
Унгарија – Србија 20.45 ч.
Табела: 1.Русија 8, 2.Унгарија 7, 3.Турција 6, 4.Србија 2
ЛИГА Б, ГРУПА 4
Бугарија – Финска 1:2
Велс – Ирска 1:0
Табела: 1.Велс 13, 2.Финска 12, 3.Ирска 2, 4.Бугарија 1
ЛИГА Ц, ГРУПА 2
Македонија – Естонија 2:1
Грузија – Ерменија 1:2
Табела: 1.Македонија 9, 2.Ерменија 8, 3.Грузија 6, 4.Естонија 3
ЛИГА Ц, ГРУПА 4
Албанија – Казахстан 3:1
Белорусија – Литванија 2:0
Табела: 1.Белорусија 10, 2.Албанија 8, 3.Литванија 5, 4.Казахстан 4
ХОЛАНДИЈА – БИХ
ГРУЗИЈА – ЕРМЕНИЈА
ТУРЦИЈА – РУСИЈА
ВЕЛС – ИРСКА
БУГАРИЈА – ФИНСКА
БЕЛОРУСИЈА – ЛИТВАНИЈА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Влаховиќ ги прифатил условите, се сели во Милан

Душан Влаховиќ, како што сега стојат работите, кариерата ќе ја продолжи во Милан.
Јувентус долго време сака да се ослободи од Влаховиќ, особено поради неговата висока плата, и се чини дека во Торино нашле решение
„Старата дама“ ја одреди цената. Јувентус би го пуштил Влаховиќ за 30 милиони евра. Тоа е повеќе од 50 милиони евра помалку отколку кога го доведоа од Фиорентина во 2022 година. Јуве за Влаховиќ на Фиорентина 81,6 милиони евра.
На крајот, Јувентус ќе го пушти Влаховиќ за помалку од 30 милиони.
Големиот ривал на Јувентус, тимот на Милан предводен од клупата од поранешниот тренер на Влаховиќ, Масимилијано Алегри ќе го ангажира Србинот.
Милан, според италијанските медиуми, му понудиле на Влаховиќ плата помеѓу шест и седум милиони евра. Јувентус ќе добие 15 милиони евра и во Торино ќе се пресели Алексис Салемакерс.
Спорт
Карабаг ќе игра во главната фаза во Лигата на шампионите

Фудбалерите на Карабах втор пат в клупската историја се квалификуваа во главната фаза од Лигата на шампионите.
Клубот од Азербејџан загуби во реваншот од плејофот против Ференцварош со резултат 2:3, но победата од 3:1 во првиот натпревар беше доволна за пласман.
Почна добро за гостите од Унгарија. Во 12-та минута, Јозеф искористи додавање од искусниот Варга и постигна гол. Сепак, до крајот на првото полувреме, практично сè беше решено. Карабах израмни во 25-та минута преку Андраде, а непосредно пред крајот на полувремето, пресврт напави Зубир.
Ференцварош имаше речиси невозможна задача. Варга, сепак, ги разгоре надежите со гол во 55-та минута од пенал, а Тот најави комплетна офанзива со гол во 82-та минута.
Ференцварош ги фрли сите карти во нападот, но не можеше да постигне гол што ќе ги однесеше во продолжение.
Карабаг е вториот тим од самиот исток на Европа што ќе игра во лигашката фаза од Лигата на шампионите. Каират од Казахстан, исто така, направи голем подвиг еден ден претходно.
На патот до главната фаза, Карабаг во третото коло ја елиминира Шкендија.
Спорт
Ѓоковиќ со загубен сет до третата рунда на Ју-ес опен

Новак Ѓоковиќ е во третото коло на Отвореното првенство на САД. Најдобриот во историјата го победи квалификантот Закаријас Сваида (145-ти на АТП) листата со 6:7 (5:7), 6:3, 6:3, 6:1 по два и пол часа на стадионот „Артур Еш“.
Луден меч одигра Србинот, без многу енергија. Веројатно поради фактот што излезе на теренот невообичаено рано.
Новак беше далеку од врвно ниво. Сепак, успеа да го најде вистинскиот ритам откако го загуби првиот сет и на крајот славеше рутински.
„Да бидам искрен, не беше баш најдобро. Не играв најдобар тенис од самиот почеток. Зак играше висококвалитетен тенис во одредени фази од натпреварот. Честитки. Многу е важно и добро за него што остана на теренот и покрај проблемите. Сет и пол ме туркаше да играм најдобро што можам.
Ми се чини дека колку подалеку одам на Гренд слем турнирите, толку поудобно се чувствувам. Закрепнувањето по тешките натпревари е многу важно. Ова се некои работи што се рутински. Благодарност до сите што ме бодреа“, рече Ѓоковиќ
Негов следен противник ќе биде подобар од Камерон Нори (Велика Британија) – Франциско Комесања (Аргентина).
Foto/ EPA/SARAH YENESEL