Спорт
Лопез: Икарди и Ванда Нара не ми даваат да ги гледам децата
Аргентинскиот фудбалер Макси Лопез објасни зошто Мауро Икарди и неговата поранешна сопруга, Ванда Нара го прават да се чувствува бесен. Ванда беше мажена за Лопез и има три деца со него, но се разведе по аферата со Икарди, кој тогаш беше соиграч на Лопез во Сапндорија.
„Постои судска одлука, но тие не ја почитуваат. Не ми даваат да ги гледам децата, кои ги гледам само двапати годишно. Се обидувам да зборувам со Ванда, но тоа што треба да е приватно е постирано на социјалните мрежи и затоа е невозможно да се зборува. Тие не ме почитуваат. Со неа сè е за парите, иако никогаш не и недостасувале. Му кажав на новиот маж на мојата бивша сопруга дека ќе сфати кога ќе стане татко. Ме прави бесен што моите деца се користат на таков начин“, вели Лопез во интервју за „Подемос хаблар“.

Лопез моментално игра како напаѓач во бразилскиот Васко да Гама. 35-годишниот ветеран не сакаше да одговори на прашањата дали платил мафијаши да му се закануваат на Икарди додека играше за тимот на Катанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Салах: Ливерпул ме фрли под автобус, не ме сакаат во клубот
Мохамед Салах повеќе не молчи, по новиот неуспех на Ливерпул, реши да ја отвори душата. Ливерпул, синоќа во Лидс одигра 3:3, откако испушти најпрвин предност од 0:2, а потоа и 2:3.
Египќанецот, легенда на клубот, трет натпревар по ред започна како резерва.
„Не можам да верувам дека цел натпревар седев на клупата, ова е трет пат по ред. Никогаш не ми се случило во кариерата“, започна Салах и продолжи.
„Многу сум разочаран, направив толку многу за овој клуб сите овие години, особено минатата сезона. Ми се чини дека клубот ме фрли под автобусот. Така се чувствувам. Некој сака да го пронајде виновникот во мене. Клубот ми вети многу пред почетокот на сезоната. Сега сум на клупата, па можам да кажам дека не го одржаа своето ветување.“
Посебна тема е Слот…
„Имав добар однос со менаџерот, сега немаме никаков однос и не знам зошто. Ми се чини дека некој не ме сака во клубот. Ги повикав мајка ми и татко ми да дојдат на натпреварот со Брајтон, не е важно дали ќе играм или не. Ќе уживам, ќе бидам на „Енфилд“ и ќе се збогувам со навивачите пред да одам на Африканскиот куп на нации, бидејќи не знам што може да се случи додека сум таму.“
За крај уште еднаш потенцираше дека некој сака да го претстави како виновник за кризата која го тресе Ливерпул.
„Сето ова е неприфатливо. Да бев некаде на друго место, секој клуб ќе ме заштитеше. Сега ситуацијата е „фрлете го Мо под автобус затоа што е проблем во тимот“. Не мислам дека јас сум проблем. Не се борам за место во тимот секој ден затоа што веќе го заслужив. Не сум поголем од клубот, не сум поголем од ништо. Но, заслужував да играм“.
Foto/ EPA
Спорт
(Видео) Барселона лесно се справи со Бетис
Барселона убедливо победи во едно од дербињата на 15-то коло од Ла Лига. Во Севилја го победи Бетис со 5:3.
Се чинеше дека Барселона може да се лизне во Севилја против Бетис. Ерупција на воодушевување донесе голот на Антони во петтата минута. Барселона одоговори експресно со два гола на Феран Торес во 11-та и 13-та минута.
Барселона не застана тука. Напротив, во 31-та минута, Педри беше во улога на асистент, а Бардаги совршено ја контролираше топката, а потоа од 15 метри го погоди блискиот агол на голманот Валхес.
До крајот на првото полувреме, Барселона веќе го обезбеди триумфот, во 40-та минута имаше малку среќа, Торес шутираше, топката се одби од противничкиот играч и заврши во мрежата на домашниот тим.
Во продолжение, Барселона постигна петти гол, во 57-та минута беше досуден пенал за гостите, по прегледаното ВАР видео, а Ламине Јамал погоди за 1:5.
До крајот на натпреварот, има уште три детали што вреди да се споменат, пред сè оној од 85-та минута кога Љоренте го постигна вториот гол за Бетис, а потоа и неверојатното промашување на Рашфорд кој, минута подоцна, сам се најде пред голманот на Бетис и шутираше покрај голот од десетина метри.
Во 90-та минута, Кунде направи пенал, а Кучо Ернандез сигурен за конечни 3:5.
Foto/ EPA
Спорт
(Видео) Ливерпул во Лидс испушти 0:2 и 2:3, Танака во 96-та погоди за 3:3
Спектакуларно второ полувреме одиграа Лидс и Ливерпул во Премиер лигата. Ливерпул не може да излезе од кризата, против Лидс не им беше доволна предноста од 0:2 и 2:3. идес освои бод во 96-та минута кога Танака го постигна голот за 3:3.
По првиот дел во кој немаше голови, навивачите на „Елан роуд“ присуствуваа на вистински спектакл. Ливерпул постигна два гола во интервал од 120 секунди. Екитике погоди во 48-та и 50-та минута.
Лидес одговори идентично, во 73-та погоди Калвер-Лувин од пенал, а изедначи Стач во 75-та минута.
Нова предност на Ливерпул му донесе Собослај во 83-та минута. Но „црвените“ не успеаја да победат. „Елан роуд“ во делириум го фрли Танака со голот за конечни 3:3 во 96-та минута.
Foto/ EPA

