Жо-Вилфрид Цонга стана првиот тенисер кој освоил четири титули на Мозел опен во Мец, откако во финалето на АТП 250 турнирот со 6:7(4)/7:6(4)/6:3 го победи Словенецот Аљаж Бедене за своја втора титула во 2019 година.

34-годишниот ветеран го подобри скорот на 4-1 во финалињата во Мец по тешка битка од 2 часа и 47 минути, откако успеа да ги освои сите гемови на свој сервис (загуби само четири поени на прв сервис). Тој е деветтиот француски шампион во последните 11 години на турнирот. Од титулата на Гаел Монфис во 2009, само Белгиецот Давид Гофан (2014) и Германецот Петер Гојовчик (2017) не се шампиони кои доаѓаат од Франција.

Од неговите 18 АТП титули, Цонга дури 10 освои на француско тло, откако трипати победи во Марсеј (2009, 2013, 2017) и имаше победи на Мастерсот во Париз (2008), Лион опен (2017) и на Опен суд де Франс во Марсеј оваа година.

Европскиот шампион Вардар ги надмина проблемите од првото полувреме, во кое неочекувано Порто имаше водство од два гола, за да стигне до 32:27 (14:16) победа над португалскиот претставник за втор триумф во низа во овогодишната ЛШ за прво место во групата Б.

А почетокот на првиот меч пред домашната публика во Лигата на шампионите не ветуваше многу. Порто предводен од Мбенге и Бранкињо се држеше израмнето во првите 20 минути од мечот, за во лош финиш за вардарци да поведат со дури четири гола разлика (14:10), пред Вардар да намали на 16:14.

Но, во второто полувреме го видовме вистинскиот лик на шампионите. Во фуриозни 15 минути, „црвено-црните“ направија целосен пресврт и Вардар имаше водство од седум гола (27:20), пред рутински да се доведе мечот до крај.

Даинис Криштопанс постигна со седум гола, исто колку што постигна и Чупиќ, додека по пет имаа Дибиров и Шишкарев, додека Бранкињо постигна седум гола за гостите.

ЛИГА НА ШАМПИОНИ

ГРУПА А

Алборг – ППД Загреб 30:20 (13:11)

Пари Сен-Жермен – Пик Сегед 19.00 ч.

Табела: 1.Флензбург 4, 2.Барселона 2, 3.Алборг 2, 4.ПСЖ 2, 5.Пик Сегед 2, 6.ППД Загреб 0, 7.Елверум 0, 8.Целје 0

ГРУПА Б

Вардар – Порто 32:27 (14:16)

Кјелце – Мотор 19.30 ч.

Табела:  1.Вардар 4, 2.Кил 3, 3.Веспрем 2, 4.Монпелје 2, 5.Порто 2,, 6.Кјелце 1, 7.Мешков Б. 0, 8.Мотор 0

ГРУПА Д

ГОГ – Чеховски медведи 38:31 (20:15)

Табела: 1.ГОГ 4, 2.Динамо Букурешт 3, 3.Висла Плоцк 2, 4.Чеховски м. 1, 5.Кадетен 1, 6.Кристијанштад 0

Фото: РК Вардар

Данил Медведев не сопира! 23-годишниот Русин, кој веќе се пласираше на АТП финалето во Лондон по фантастичната летна серија, стигна до својата трета титула во 2019 година, откако со 6:3/6:1 на домашен терен го победи Борна Чориќ за трофејот од Санкт Петербург опен.

За Медведев ова беше петти последователен настап во финале, откако загуби во Вашингтон, Монтреал и на САД опен, а победи во Синсинати во текот на американската турнеја. Светскиот рекет број 4 сега има 24 победи во 27 меча и вкупно 54-17 скор оваа сезона. Ова е шеста титула во кариерата на Медевев, кој исто така е првиот Русин со титулата на домашниот турнир по Михаил Јужни пред 15 години.

Чориќ имаше 4-1 скор против Медведев, но Русинот покажа колку е напредната неговата игра, откако направи два брејка против 22-годишниот противник. Со уште два брејка во вториот сет, тој стигна до титулата, 250 АТП поени и 203.410 долари награда.

Daniil Medvedev is not human 🤯

Seriously how does he do this?!@DaniilMedwed #FormulaTX pic.twitter.com/4lEzhNevjO

— Tennis TV (@TennisTV) September 21, 2019